Deterononm 28:52 - Labib An Kreol Seselwa

⁵² Dan ou pei antye, i pou anserkle ou partou dan ou bann lavil, ziska ki bann gran miray fortifye kot ou ti krwar ou an sekirite, i tonbe. I ava anserkle ou dan bann lavil, partou dan pei ki SENYER, ou Bondye in donn ou.

Deterononm 28:52 交叉參考

Matye 22:7

Alor, lerwa ti ankoler. I ti anvoy son larme touy sa bann kriminel e met dife dan zot lavil.

Zakari 14:2

Mon pe rasanble tou bann nasyon pour atak Zerizalenm. Lavil pou ganny kaptire, bann lakaz met anba lao, e bann fanm pou ganny vyole. Lanmwatye bann zabitan Zerizalenm pou ganny deporte; me sa lot lanmwatye ava kapab reste dan lavil.

Zakari 12:2

Mon pou fer Zerizalenm vin parey en lakoup ki soul tou bann pep dan zalantour. Zida osi pou pas parey, kan Zerizalenm pou ganny anserkle.

Danyel 9:26

Apre sa 62 semenn, sa enn ki'n resevwar lonksyon pou ganny detri, san personn pour defann li. Sef en larme ki pou vini, pou detri lavil ek sanktyer, me i pou ganny detri, e lager pou kontinyen ziska lafen; pou annan gran destriksyon.

Zeremi 37:8

Bann gerye Babilonn pou retournen. Zot pou atak sa lavil ki zot pou pran e ki zot pou brile.

Zeremi 10:18

Annefe, la sa ki SENYER i deklare: Mon pou sas ou dan sa pei, e deport ou. Mon pou anserkle zot pour ki personn pa sape.

Ezai 62:8

SENYER in fer serman par son lanmen drwat; par son lebra pwisan i donn garanti: Mon pa pou donn ankor lennmi ou dible pour zot manze; bann etranze pou nepli bwar ou diven ki ou'n fatige pour fer.

Ezai 1:7

Ou pei in ganny devaste, ou bann lavil in brile. Bann etranze pe devor ou later lanmenm devan ou lizye. Ou bann plantasyon in ganny detri; lennmi in vir li anba lao.

2 Rwa 18:13

Dan katorzyenm lannen lerwa Ezekyas, Senakerib, lerwa Asiri, ti atak e pran tou bann lavil fortifye dan Zida.

Levitik 26:25

Mon pou anvoy lager kont zot, pour pini zot akoz mon lalyans. Si zot al pran refiz dan bann lavil, mon pou anvoy lepidemi parmi zot, e zot ava tonm dan lanmen lennmi.

Deterononm 28:51

Sa nasyon ava manz prodwi ou bann troupo, prodwi ou later, ziska ki ou ganny detri. I ava les ou san semans, diven, delwil, ni zenn bef, ni zenn mouton, ni zenn kabri, ziska ki i'n fer ou disparet.

2 Rwa 6:29

Alor, nou ti bwi mon garson e nou ti manze li. Lannmen mon ti dir li: Donn ou garson pour nou manz li. Me ti kasyet son garson.”

Zeremi 10:17

Zerizalenm! Ou bann lennmi in anserkle ou. Ranmas ou pake.

Lamantasyon 2:2

San okenn pitye, SENYER in detri tou bann vilaz dan Izrael. Dan son lakoler, in kraz bann lavil byen proteze dan Zida. In anmenn dezoner lo rwayonm e lo son bann sef.