Deterononm 22:1 - Labib An Kreol Seselwa

¹ Si ou remarke ki bef oubyen mouton ou prosen in egare; pa fer sanblan ou pa'n war. Ou ava retourn li kot son propriyeter.

Deterononm 22:1 交叉參考

Ezekyel 34:16

Mon pou rod bann ki'n perdi; fer retournen bann ki'n egare; pans bann ki'n ganny blese e fer bann ki malad repran zot lafors. Me mon pou elimin bann ki gra e for. Mon pou diriz mon troupo avek ladrwatir.

Ezai 58:7

Se kan ou partaz ou dipen avek sa enn ki lafen, abrit kot ou sa enn ki napa lakaz, kouver sa enn ki napa lenz pour met lo li, pa tourn ledo avek ou prop frer ki dan bezwen.

Proverb 24:11

Delivre sa enn ki ganny kondannen amor, sa enn ki ganny trennen ver labatwar.

1 Pyer 2:25

Annefe, zot ti koman bann mouton perdi; me aprezan, zot in retourn kot sa berze ki vey lo zot.

Matye 15:24

Zezi ti reponn, “Mon'n ganny anvoye zis pour bann brebi perdi parmi pep Izrael.”

Matye 10:6

Al plito kot bann brebi egare dan pep Izrael.

Ezekyel 34:4

Zot pa pran ka avek bann mouton feb, ni sonny sa ki malad e pans sa ki'n ganny blese. Zot pa'n fer retournen sa ki'n egare, ni rod sa ki'n perdi. Me zot in domin lo zot avek lafors e montre zot kriyel.

Ezai 8:17

Mon pou esper SENYER, i'n detourn li avek desandan Zakob. Mon pou met mon lespwar dan li.

Proverb 28:27

Sa enn ki donn bann pov pa pou mank nanryen. Me sa enn ki ferm son lizye, pou konn bokou malediksyon.

Levitik 20:4

Si bann zabitan sa pei i ferm zot lizye e zot pa touy sa zonm ki'n donn son zanfan Molek,

1 Korentyen 9:9

Annefe, i'n ganny ekri dan Lalwa Moiz: Pa met en bayon lo mizo en bef kan i pe pil lagrenn. Eski Bondye i enterese avek bef?

Levitik 6:3

oubyen si i konsern en lobze perdi ki i'n trouve, me i dir pa vre; oubyen ankor i fer en fo serman, pour li kasyet nenport sa bann pese ki zonm i kapab komet.

Deterononm 22:2

Si sa propriyeter pa reste pre kot ou, oubyen ou pa konn li, ou ava anmenn sa zannimo kot ou. I ava reste kot ou ziska ki son propriyeter i vin reklanmen. Alor, ou ava rann li son zannimo.

Proverb 27:10

Pa abandonn ou zanmi, ni zanmi ou papa. Si ou dan problenm, pa al kot ou frer. Annefe, en pros vwazen i preferab ki en paran lwen.

Zakari 7:9

La sa ki SENYER liniver i deklare: Rann bann vre zizman; pratik labonte ek konpasyon antre zot.