Deterononm 21:23 - Labib An Kreol Seselwa

²³ Me fodre pa ki son kadav i reste anpandan tou lannwit. Ou devre anter li menm zour, akoz en lekor ki reste anpandan, i anmenn malediksyon Bondye. Ou pa kapab rann enpir later ki SENYER, ou Bondye pou donn ou an posesyon.

Deterononm 21:23 交叉參考

Galat 3:13

Kris in liber nou kont malediksyon Lalwa, akoz i'n pran malediksyon dan nou plas. Annefe, Lekritir i deklare: Modi sa enn ki ganny pann lo en pye dibwa.

Levanzil dapre Zan 19:31

Ti zour preparasyon saba. Alor, bann Zwif ti demann Pilat pour fer kas lazanm bann zonm lo lakrwa, e fer desann bann lekor, pour ki zot pa reste lo lakrwa zour saba. Annefe sa saba ti en gran zour.

2 Korentyen 5:21

Kris pa'n fer okenn pese. Me Bondye in sarz li avek tou nou pese, pour ki par li, Bondye i rekonnet nou koman zis.

Levitik 18:25

Pei osi in vin enpir. Mon'n pini li akoz son bann fot e pei menm ti vomi son bann zabitan.

Romen 9:3

Mon ti ava swete ki mon ganny modi par Bondye e separe avek Kris, pour dibyen mon bann frer, mon prop ras.

Nonm 25:4

SENYER ti dir Moiz, “Pran tou bann sef Izrael, pann zot devan SENYER an fas avek soley. Apre, sa gran lakoler SENYER ava tonbe.”

Zozye 8:29

I ti pann lerwa Ai avek en pye dibwa pandan tou lazournen. Soley kouse, Zozye ti donn lord fer desann son kadav ki ti anpandan lo pye dibwa e zet li devan laport lavil. Zot ti kouver li avek en gro ta ros, ki touzour egziste.

1 Korentyen 16:22

Si en dimoun i pa kontan Senyer, i pou ganny modi. Maranata! Nou Senyer pe retournen!

Zozye 7:12

Pour sa rezon, Izrael pou nepli kapab fer fas avek son bann lennmi. Zot pou taye devan zot lennmi, akoz zot osi, zot pou ganny detri! Mon pou nepli avek zot, si zot pa fer disparet parmi zot, sa bann lobze ki ti devre ganny detri.

2 Samyel 21:6

donn nou 7 zonm parmi son bann garson; nou ava ekspoz zot lekor devan SENYER dan lavil Gibea-Sail, sa enn ki SENYER ti'n swazir.” Lerwa ti dir, “Mon ava fer li.”

Deterononm 7:26

Pa anmenn okenn lobze degoutan dan ou lakaz, sankwa ou pou ganny detri ansanm avek zot. Ou devre deteste sa bann lobze, akoz fodre zot ganny detri.

2 Samyel 21:10

Rispa, fiy Aya, ti pran en sak ki i ti tal lo ros pour li, depi konmansman larekolt, ziska ki lapli ti tonm lo bann kadav. I ti anpes bann zwazo vin lo zot pandan lazournen, e bann zannimo sovaz pandan lannwit.

Ezekyel 39:12

I pou pran pep Izrael set mwan pour anter bann lekor e netway sa pei.

Deterononm 4:21

Akoz zot, SENYER ti ankoler kont mwan. I ti fer serman ki mon pa pou travers larivyer Zourden pour antre dan sa bon pei ki SENYER, ou Bondye pe donn ou koman patrimwann.

Deterononm 25:19

Alor, Kan SENYER, ou Bondye ava'n asir ou sekirite kont tou ou bann lennmi dan pei ki SENYER, ou Bondye pou donn ou pour patrimwann, ou ava detri tou bann Amalesit anba lesyel, e ki personn pa rapel zot ankor.

2 Rwa 10:8

Ler mesaze ti arive e dir li: Zot in anmenn latet bann garson lerwa, i ti reponn, “Met zot an de ta dan lantre laport lavil, ziska demen bomaten.”