Deterononm 18:12 - Labib An Kreol Seselwa

¹² Annefe, SENYER pa kontan sa enn ki fer sa bann keksoz. Se akoz sa bann pratik degoutan ki SENYER, ou Bondye pou sas sa bann nasyon devan ou.

Deterononm 18:12 交叉參考

Levitik 18:24

Pa rann zot enpir par okenn sa bann pratik. Se akoz sa bann pratik ki mon pe sas devan zot, sa bann nasyon ki'n rann zot enpir.

Deterononm 9:4

Kan SENYER, ou Bondye ava'n sas zot devan ou, pa dir dan ou menm: Si SENYER in anmenn mwan isi pour okip sa pei, sa i akoz mon zis; me plito, akoz mesanste sa bann nasyon ki devan ou, SENYER in pran tou sa ki zot annan.

Levitik 18:27

Bann zabitan ki ti pe reste dan sa pei avan zot in komet sa bann aksyon degoutan e zot in rann sa pei enpir.

Levitik 18:25

Pei osi in vin enpir. Mon'n pini li akoz son bann fot e pei menm ti vomi son bann zabitan.

Deterononm 14:27

Ou pa pou oubliy bann levit ki viv dan ou bann lavil, akoz zot napa okenn par teritwar parmi zot.

Ezekyel 31:11

Mon'n abandonn li dan lanmen sef bann nasyon pli for, pour ki i ganny trete dapre sa ki i merite pour tou son mesanste. Mon'n rezet li.

Deterononm 9:5

Ou pa pe al pran posesyon sa pei akoz ou zis, oubyen akoz ou leker i drwat, me akoz mesanste sa bann nasyon ki SENYER, ou Bondye pe al pran avek zot tou sa ki zot annan. Konmsa, promes ki SENYER ti fer avek ou bann zanset Abrahanm, Izaak ek Zakob, ava ganny akonpli.

Deterononm 22:5

En fanm pa pou met lenz en zonm e en zonm pa pou met lenz en fanm; sa enn ki fer en keksoz parey, pe fer en aksyon degoutan anver SENYER, ou Bondye.

2 Rwa 23:24

Pour li realiz bann parol lalwa ki'n ganny ekri dan sa liv ki pret Hilkiya ti'n trouve dan tanp SENYER, Zozyas ti osi elimin tou dimoun ki envok bann lespri ek bann medyonm, bann pti stati bondye, bann gran stati ek tou bann pratik degoutan ki ti egziste dan pei Zida e dan Zerizalenm.