Deterononm 17:12 - Labib An Kreol Seselwa

¹² En dimoun ki azir avek larogans, ki pa obeir pret ki'n ganny plase pour ofer sakrifis devan SENYER, ou Bondye, oubyen ki pa'n ekout sa ziz, sa dimoun ava ganny touye. Konmsa, ou ava fer disparet sa ki mal dan Izrael.

Deterononm 17:12 交叉參考

Esdras 10:8

Dapre lord bann sef ek bann ansyen, sa enn ki pa vini dan trwa zour, son propriyete pou ganny konfiske, e li, i pou ganny pouse dan kominote bann deporte.

Psonm 19:13

Protez ou serviter kont bann arogan. Pa les zot domin mwan, pour ki mon ava san repros e ganny prezerve kont okenn fot grav.

Proverb 21:11

Pinisyon en ensolan i fer sa enn ki bet vin saz; ler en saz i ganny enstri, i ganny konnesans.

Oze 4:4

Personn pa devre pe akize, personn pa devre pe fer repros, akoz mon lakizasyon i kont zot, bann pret.

Zakari 3:7

La sa ki SENYER liniver i deklare: Si ou swiv mon semen e gard mon komannman, ou pou gouvern mon tanp e pran ansarz bann lakour mon tanp. Mon pou met ou lo menm ran avek sa bann ki la pe debout.

Nonm 15:30

Me si en natif Izraelit oubyen en etranze i fer en pese volonter, i komet en lofans anver SENYER, pou napa pardon pour li. I devret ganny pouse dan kominote.

Nonm 15:31

Annefe, in mepriz parol SENYER, in dezobei son komannman. I devret ganny sase dan kominote. I ava port konsekans son fot.

Matye 10:14

Si dan nenport ki lakaz oubyen lavil, dimoun pa resevwar zot, ni ekout zot, kit sa landrwa. Sekwe lapousyer ki avek zot lipye.

Levanzil dapre Lik 10:16

Sa enn ki ekout zot, i ekout mwan; sa enn ki rezet zot, i rezet mwan, e sa enn ki rezet mwan, i rezet sa Enn ki'n anvoy mwan.

Levanzil dapre Zan 12:48

Sa enn ki rezet mwan e ki pa aksepte mon mesaz, i annan en ziz: Mon bann parol ki pou ziz li zour lafen lemonn.

Levanzil dapre Zan 20:23

Pese ki zot pardonnen, pou ganny pardonnen. Pese ki zot pa pardonnen, pa pou ganny pardonnen.”

1 Korentyen 5:13

Annefe, Lekritir i deklare: Sas parmi zot, bann ki komet lemal.

Deterononm 1:43

Mon ti koz avek zot; me zot pa ti oule ekoute. Zot ti revolte kont lord SENYER e zot ti ganny lodas mont dan montanny.

Deterononm 10:8

Dan sa letan, SENYER ti swazir tribi Levi pour anmenn Kof Lalyans SENYER, e prezant devan SENYER pour servi li e pronons bann benediksyon an son non.

Deterononm 13:11

Alor, pep Izrael ava tande e zot ava per. Zanmen zot ava komet en aksyon osi degoutan parmi zot.

Deterononm 13:5

Sa bann profet oubyen vizyoner ava ganny touye akoz par zot bann parol, zot in pres revolt kont SENYER, ou Bondye ki ti tir ou dan pei Lezip e sov ou dan lesklavaz. Zot ti oule detourn ou lo semen ki SENYER, ou Bondye ti'n ordonn ou pour swiv. Ou devre fer disparet sa mal parmi zot.

Deterononm 13:6

I kapab arive ki ou frer, garson ou manman, swa ou prop garson, swa ou prop fiy, swa sa fanm ki pe dormi dan ou lebra, swa ou pli gran zanmi i envit ou pour al ador lezot bondye ki ni ou ni ou bann zanset pa'n zanmen konnen.

Deterononm 17:13

Tou lepep ava antann sa ki'n arive e zot ava dan lafreyer. Personn par pou azir avek larogans ankor.

Deterononm 17:7

Bann temwen ava premye ki pou lev lanmen pour egzekit kondannasyon anmor. Apre, tou lepep ava lev zot lanmen. Konmsa, ou ava fer disparet sa ki mal otour ou.

Deterononm 18:20

Me nenport ki profet ki koz lo non lezot bondye, oubyen ki pretann koz lo mon non e ki dir en parol ki mon pa'n ordonn li, sa profet pou bezwen ganny touye.

Deterononm 18:5

Annefe, parmi tou ou bann tribi, SENYER, ou Bondye in swazir Levi avek son bann garson pour prezant zot servis devan SENYER.

Deterononm 18:7

i ava kapab egzers son minister lo non SENYER son Bondye, parey tou son bann frer levit ki dan servis, la devan SENYER.

1 Tesalonisyen 4:2

Zot konn byen bann lansennyman ki nou'n donn zot sorti kot Senyer Zezi.

1 Tesalonisyen 4:8

Pour sa rezon, sa enn ki rezet en tel lansennyman pa rezet en zonm, me Bondye ki donn li son Lespri Sen.

1 Timote 5:20

Konsernan bann ki kontinyen reste dan pese, reprimann zot an piblik, pour ki lezot osi i ganny krentif.

Zozye 1:18

Sa ki revolte e ki dezobei ou lord e pa obei tou ou parol, pou ganny touye. Reste for e pran kouraz.”

Ziz 20:13

Donn nou sa bann zonm san moral dan Gibea, pour ki zot ganny touye e ki nou fer disparet dan Izrael, sa move aksyon.” Me bann Benzamit pa ti oule ekout zot bann frer Izraelit.

1 Samyel 3:13

Mon'n deza averti li ki mon pou pini son fanmir pour touzour, pour bann krim ki i konnen. Son bann garson in ensilte Bondye; li i ti konnen, me i'n soutir zot.