Deterononm 16:10 - Labib An Kreol Seselwa

¹⁰ Apre, ou ava selebre lafet Rekolt an loner SENYER, ou Bondye. Lofrann volonter ki ou ava fer i ava an proporsyon avek bann benediksyon ki SENYER, ou Bondye ava'n donn ou.

Deterononm 16:10 交叉參考

1 Korentyen 16:2

Premye zour sak semenn, sakenn ava met dekote se li, larzan ki i'n reisi eparnyen. Konmsa, zot pa pou bezwen esper mwan arive pour anmas bann kontribisyon.

2 Korentyen 8:10

La mon donn zot mon konsey lo sa size: Kontiny sa ki zot in konmanse lannen pase. Zot ti premye, pa zis pour fer sa laket, me osi pour deside azir.

Zoel 2:14

Petet i ava sanz son desizyon, e donn ou son benediksyon! Alor, ofer SENYER, ou Bondye en lofrann dible ek diven.

Proverb 10:22

Benediksyon SENYER i donn larises; i pa anmenn okenn sagren.

Nonm 31:37

Par pour SENYER: 675 kabri ek mouton.

Nonm 31:28

Dan par bann zonm ki ti al lager, tir en par pour SENYER: En zonm lo sak 500, en zannimo lo sak 500, bef, bourik, kabri ek mouton.

Levitik 25:26

Si sa dimoun napa personn ki annan drwa reaste sa later ki i'n vann, me ki apre i trouv mwayen pour li aste li menm sa later,

Levitik 12:8

Si i napa mwayen pour anmenn en zenn mouton, i ava pran de tourtrel oubyen de pizon, enn pour en sakrifis konplet e lot pour en sakrifis pardon pese. Pret ava fer rityel pardon pour sa fanm ki ava ganny pirifye.

Levitik 5:7

Me si i pa kapab ganny en mouton koman sakrifis pour pardon pese ki i'n komet, alor, i ava anmenn devan SENYER, de tourtrel oubyen de pizon. Enn koman sakrifis pour pardon pese, lot koman sakrifis konplet.

2 Korentyen 8:12

Annefe, si nou met nou bonn volonte, Bondye i aksepte nou don, pa dapre sa ki nou napa, me dapre sa ki nou annan.

Egzod 35:29

Tou zonm ek fanm ki ti annan en leker zenere pour kontribye dan tou bann travay ki SENYER ti'n ordonnen par lentermedyer Moiz, tou sa bann Izraelit, ti anmenn zot bann lofrann volonter pour SENYER.

Deterononm 16:9

Ou ava kont set semenn depi zour ki fosi in konmans koup tiz dible.

Deterononm 16:11

Avek ou bann garson, ou bann fiy, ou bann serviter, ou bann servant, bann levit ki reste dan ou bann lavil, bann etranze, bann orfelen ek bann vev ki viv parmi zot, ou ava fer lafet dan landrwa kot SENYER ava swazir pour fer reste prezans son non.

Levitik 23:15

Zot ava kont set semenn konplet apartir lannmen saba, setadir, depi zour ki sa tiz ti ganny prezante dapre rityel.

Nonm 28:26

Zour ki ou prezant lofrann premye rekolt sereal devan SENYER, konvok en rasanbleman sakre. Zot pa pou fer okenn travay sa zour.

1 Kronik 29:14

Me mwan, mon en nanryen ditou, e mon pep osi pa vo nanryen. Nou pa kapab ofer ou sa lofrann volonter. Annefe, tou sa ki egziste i sorti kot ou e sa ki nou'n donn ou i sorti kot ou.

2 Kronik 31:14

Kore, garson Yimna, ki ti levit, portye pour laport Les, ti ansarz bann don volonter ki zot ti ofer Bondye. I ti osi responsab pour distribye sa bann lofrann konsakre pour SENYER, ensi ki lezot lofrann.