Deterononm 11:28 - Labib An Kreol Seselwa

²⁸ malediksyon si zot dezobei bann komannman SENYER, zot Bondye e pa swiv semen ki mon pe donn zot ozordi, e al swiv lezot bondye ki zot pa'n konnen.

Deterononm 11:28 交叉參考

Galat 3:10

Me tou dimoun ki kont lo lobeisans Lalwa, zot anba malediksyon. Annefe, Lekritir i deklare: Modi sa enn ki pa gard tou sa ki'n ekri dan sa liv Lalwa, e pa met li an pratik.

Matye 25:41

Apre, lerwa pou dir avek bann ki lo son kote gos: Sorti kot mwan zot ki'n ganny modi! Al dan dife eternel ki'n ganny prepare pour dyab ek son bann lanz!

Ezai 3:11

Maler lo zot bann malfeter! Tou pou mal fini pour zot. Zot pou ganny trete dapre zot aksyon.

Ezai 1:20

Me si zot refize, si zot persiste dan zot revolt kont mwan, zot pou ganny devore. Labous SENYER in deklare.

Proverb 3:33

Malediksyon SENYER i tonm lo lafanmir en malfeter, me SENYER i beni lafanmir sa enn ki zis.

Zeremi 7:6

Aret abiz lo febles bann etranze, bann orfelen, bann vev. Aret touy dimoun inosan dan sa pei. Aret tay deryer lezot bondye ki pou anmenn maler lo zot.