Deterononm 1:17 - Labib An Kreol Seselwa

¹⁷ Zot pa devre fer preferans dan zot desizyon; ekout sa enn ki pti koman sa enn ki gran; pa per personn, akoz zizman i sorti kot Bondye. Bann ka ki tro difisil pour zot, anmenn kot mwan e mon ava ekoute.

Deterononm 1:17 交叉參考

Zenez 18:25

Ou pa kapab detri bann zis ansanm avek bann koupab. Sa enn ki zis pa kapab annan menm sor avek sa enn ki koupab! Eski menm bann ziz sa later antye pa pou azir dapre lazistis?”

2 Samyel 14:14

Nou tou nou pou mor; nou parey delo ki'n fannen ater e ki pa zanmen kapab rasanble ankor. Bondye pa pran lavi; i annan bann plan ki pa les sa enn ki'n ganny anvoye annegzil pa reste lwen avek li.

2 Kronik 19:5

I ti apwent bann ziz dan sak lavil fortifye dan rwayonm Zida.

2 Kronik 19:6

I ti dir zot, “Fer atansyon dan tou sa ki zot fer. Rann zizman ki zis, fer li non pa pour zonm, me pour SENYER. I ava avek zot ler zot rann zizman.

Liv Zob 31:34

akoz mon ti per rimer sorti parmi lafoul, e si mon ti per ki ou fanmir i mepriz mwan, alor, mon pa ti dir nanryen. Mon ti reste dan lakour.

Psonm 82:2

Kan eski zot pou arete donn bann zizman enzis e fer preferans pour bann ki koupab?

Egzod 18:18

Ou avek ou pep, zot pou fatige: Sa latas i tro lour pour ou; ou pa pou kapab fer li ou tousel.

Egzod 18:22

Zot ava ziz lepep toultan. Zot ava anmenn bann ka grav devan ou, me pour lezot, zot ava kapab pran desizyon zot menm. I ava fer fasil pour ou e zot ava partaz ou fardo.

Egzod 18:26

Zot ti ziz lepep toultan. Zot ti anmenn bann ka difisil devan Moiz e bann ka mwen enportan, zot ti ziz zot menm.

Proverb 18:5

I pa byen donn rezon sa enn ki koupab; oubyen refiz enn ki zis, son drwa

Proverb 24:23

La ankor bann konsey sorti kot bann saz: I pa bon donn fo zizman.

Proverb 28:21

I pa bon fer preferans ant dimoun; sepandan, pour en morso dipen, serten i kapab enzis.

Proverb 29:25

Lafreyer pour zonm i en move keksoz; me sa enn ki met son konfyans dan SENYER i an sekirite.

Zeremi 1:17

Zeremi! Met ou pare pour al dir zot tou sa ki mon ordonn ou. Pa bezwen per zot, akoz mwan ki pou fer ou tranble devan zot.

Levitik 19:15

Pa rann okenn zizman enzis; pa fer preferans pour sa enn ki pov, ni favoriz sa enn ki pwisan. Ou ava ziz ou prosen avek lazistis.

Malasi 2:9

Alor, mon pou imilye zot e fer lepep mepriz zot, akoz mon volonte pa'n ganny swiv e zot bann desizyon pa ti touzour zis.

Matye 22:16

Zot ti anvoy serten zot bann disip ek serten manm dan parti Herod kot Zezi pou dir li, “Met! Nou konnen ki ou fran e ki ou ansenny semen Bondye dan tou laverite, san les personn enfliyans ou, akoz ou pa fer lapreferans pour personn.

Mark 12:14

Zot ti vin dir li, “Met! Nou konnen ki ou fran e ou pa per personn. Ou pa pran kont lenportans dimoun, me ou ansenny laverite lo lavolonte Bondye. Dir nou, eski nou Lalwa i permet pey taks Sezar? Eski nou devre peye oubyen non?”

Levanzil dapre Lik 20:21

Zot ti kestyonn li, “Met! Nou konnen ki sa ki ou dir e ansennyen i vre; ki ou pa fer lapreferans pour personn, me ou ansenny vre semen Bondye.

Romen 2:11

akoz Bondye pa fer preferans pour personn.

Efezyen 6:9

Zot, bann met! Fer parey. Tret byen zot bann serviter e aret fer bann menas. Mazinen ki zot menm, ansanm avek zot bann serviter, zot annan en menm Met ki dan lesyel, ki pa fer okenn preferans.

Deterononm 10:17

SENYER, zot Bondye i Bondye tou lezot bondye e SENYER tou senyer. I sa pli gran Bondye pwisan e terib ki pa fer preferans e i pa aksepte gous.

Deterononm 16:19

Ou pa devre fos lazistis; ou pa devre ziz dapre laparans. Ou pa devre aksepte gous, akoz gous i bous lizye en saz e i fos desizyon en zonm zis.

Deterononm 24:17

Ou pa pou priv en etranze ki reste kot ou oubyen en orfelen son drwa. Ou pa pou pran angaz lenz en vev.

Deterononm 25:1

Si de dimoun i al devan tribinal, pour rezoud en dispit, ziz ava deside lekel ki inosan, lekel ki koupab.

Kolosyen 3:25

Sak dimoun ki mal fer, pou pey pour lemal ki i'n fer, akoz Bondye pa fer preferans pour personn.

1 Tesalonisyen 2:4

Me Bondye in teste nou pour konfye nou son Bonn Nouvel. Nou pa prese pour fer plezir zonm, me pour fer plezir Bondye ki war dan fon nou leker.

Let Zak 2:9

Me si zot fer preferans, zot pe fer en pese, e Lalwa i kondann zot, akoz zot dezobei Lalwa.

1 Pyer 1:17

Kan zot priye, zot apel Bondye koman zot Papa. I pa fer okenn preferans, e i ziz sak dimoun dapre sa ki i'n fer. Alor, pandan sa letan ki reste pour zot lo later, montre ki zot annan respe pour li, par zot mannyer viv.

1 Samyel 16:7

Me SENYER ti dir Samyel, “Pa get son laparans ni son grander, akoz mon'n rezet li. SENYER pa war parey zonm i war. Zonm i get laparans eksteryer, me SENYER i get dan leker.”

1 Samyel 2:25

Si en dimoun i komet pese kont en lot dimoun, Bondye i pled pour li, me si en dimoun i komet pese kont Bondye, lekel ki pou pled pour li?” Me zot pa ti ekout zot papa, akoz SENYER ti deside ki zot devre mor.