1 Pyer 2:2 - Labib An Kreol Seselwa

² Parey bann zanfan nouvo ne, kontan dile pir Parol Bondye. Konmsa zot ava grandi e ganny sove.

1 Pyer 2:2 交叉參考

Efezyen 4:15

O kontrer, kan nou dir laverite avek lanmour, nou ava grandi dan tou fason ver Kris, nou sef.

2 Pyer 3:18

Kontinyen grandi dan lagras ek konnesans nou Senyer e Sover Zezi-Kri. Annou rann li glwar, aprezan e pour touzour! Amenn!

Mark 10:15

Mon dir zot, sa i laverite: Sa enn ki pa resevwar Rwayonm Bondye parey en zanfan, i pa pou zanmen antre dan Rwayonm.”

1 Korentyen 14:20

Mon bann frer ek ser! Pa rezonn parey zanfan. Dan sa ki konsern sa ki mal, reste koman zanfan; me dan zot rezonnman, montre ki zot bann adilt.

Proverb 4:18

Me semen sa enn ki zis i parey lalimyer granmaten ki vin deplizanpli for ziska midi.

Liv Zob 17:9

Sa enn ki zis i reste ferm dan son semen. Sa enn ki son lanmen i prop i vin pli determinen.

2 Tesalonisyen 1:3

Mon bann frer ek ser! Nou devre touzour remersye Bondye pour zot. Sa i byen, akoz zot lafwa in bokou progrese e lanmour ki zot posede pour kanmarad pe touzour ogmante.

Matye 18:3

I ti dir, “Mon dir zot, sa i laverite: Si zot pa sanze e vin parey bann zanfan, zot pa pou zanmen antre dan Rwayonm lesyel.

Efezyen 2:21

Zezi-Kri li menm ki tenir ansanm sa batiman antye e permet li grandi pour form en tanp sen, konsakre pour Senyer.

Romen 6:4

Alor, par nou batenm, nou'n ganny antere avek li dan son lanmor, pour ki, parey Kris in resisite par mazeste pwisan son Papa, nou osi, nou ava ganny en nouvo lavi.

Oze 6:3

Annou konn li, annou vreman rode pour konn SENYER. I pou aparet, sa i sir parey lizour i fer. I pou vini zis parey lapli i tonbe, parey lapli i aroz later dan sezon lapli.

1 Pyer 1:23

Annefe, zot in ganny en nouvo lavi, pa par en semans ki kapab ganny detri, me par enn ki pa kapab ganny detri: Sa i Parol Bondye. Sa Parol i vivan e eternel.

2 Samyel 23:5

La konman Bondye in azir avek mon fanmir: In fer en lalyans avek mwan pour touzour, kot tou bann pwen in regle e byen garde. Partou e touzour in donn mwan laviktwar in realiz tou mon bann dezir.

Oze 14:7

Zot pou vin reste ankor anba mon lonbraz; zot ava fer dible repouse; zot pou fleri parey en pye rezen e donn Liban en loder diven.

Oze 14:5

Mon pou vin en laroze pour Izrael; i pou fleri parey en lis; i pou pran rasin parey pye dibwa dan lafore Liban.

Malasi 4:2

Me pour zot ki annan respe pour Bondye, soley lazistis pou lev lo zot e son bann reyon pou anmenn gerizon. Zot pou sorti e sote parey bann zenn bef ki sorti dan park.

Matye 19:14

Alor, Zezi ti dir, “Les bann zanfan vin kot mwan; pa bezwen anpes zot, akoz Rwayonm lesyel i pour bann ki parey zot.”

Levanzil dapre Lik 18:17

Mon dir zot, sa i laverite: Sa enn ki pa akey Rwayonm Bondye parey en zanfan, pa pou zanmen antre.”