1 Pyer 1:8 - Labib An Kreol Seselwa

⁸ Zot kontan li, menm si zot pa'n zanmen war li. Zot krwar dan li, menm si zot pa ankor war li. Pour sa rezon, zot dan en lazwa si gran ki pa kapab ganny eksprimen par parol.

1 Pyer 1:8 交叉參考

Levanzil dapre Zan 20:29

Zezi ti dir li, “Aprezan, ou krwar akoz ou'n war? Ere bann ki krwar san ki zot in war!”

2 Korentyen 5:7

Annefe, nou pe mars par lafwa, pa avek nou lizye.

Romen 15:13

Bondye, ki donn lesperans, ava ranpli zot avek lazwa ek lape parfe dan lafwa. I ava rann zot ris avek lesperans, par pwisans Lespri Sen.

Ebre 11:1

Lafwa i larealite sa ki nou pe espere, sertitid dan keksoz ki nou pa war.

Levanzil dapre Zan 16:22

Pour zot osi i parey: Aprezan, zot tris; me mon pou revwar zot apre. Alor, zot leker pou ranpli avek lazwa, e personn pa pou kapab aras zot sa lazwa.

2 Korentyen 4:18

Annefe, nou pa pe pran ka avek keksoz ki nou war, me plito avek sa ki nou pa war. Wi! Sa ki nou war i zis pour en pe letan. Me sa ki nou pa war i eternel.

1 Pyer 1:6

Pour sa rezon ki zot dan lazwa, menm si aprezan, zot pe pas, pandan en pti moman, par toudsort difikilte.

Ebre 11:27

Par lafwa, Moiz ti kit Lezip, san ki i ti per lakoler lerwa. I ti persevere konmsi i ti pe war sa enn ki envizib.

1 Pyer 2:7

Alor, pour zot ki krwar, sa ros i annan en gran valer, me pour bann ki pa krwar, Sa ros ki bann konstrikter ti'n rezete, in vin ros kwen prensipal.

Filipyen 4:4

Reste touzour dan lazwa, ini avek Senyer. Mon repete: Reste dan lazwa.

1 Pyer 5:4

Kan Sef bann berze pou aparet, zot pou resevwar kouronn laglwar ki pa zanmen terni.

Efezyen 6:24

Mon demande ki lagras Bondye ava avek tou bann ki kontan nou Senyer Zezi-Kri avek en lanmour ki pa zanmen sanze.

Filipyen 1:25

Mon asire, e mon konnen alor, ki mon pou reste e viv parmi zot. Mon pou reste avek zot tou pour ed zot progrese dan lafwa e reste dan lazwa.

Romen 14:17

Rwayonm Bondye pa en zafer manze ek bwar, me i lazistis, lape ek lazwa dan Lespri Sen.

Levanzil dapre Zan 14:24

Sa enn ki pa kontan mwan, pa obei mon bann parol. Bann parol ki zot pe tande, i pa mon prop parol, me parol mon Papa ki'n anvoy mwan.

Levanzil dapre Zan 8:42

Zezi ti dir zot, “Si vreman Bondye ti zot Papa, zot ti ava kontan mwan, akoz mon'n sorti kot Bondye e mon'n vin isi. Mon pa'n vin par mwan menm; me mon Papa ki'n anvoy mwan.

Filipyen 3:3

Nou ki'n resevwar vre sirkonsizyon, akoz nou ador Bondye par son Lespri e nou met nou lafyerte dan Zezi-Kri. Nou konfyans pa baz lo bann privilez imen.

Galat 5:22

Me la bann fri ki Lespri i prodwi: Lanmour, lazwa, lape, pasyans, labonte, zenerozite, fidelite,

Galat 5:6

Annefe, ni sirkonsizyon, ni ensirkonsizyon pa enportan. Lafwa ki azir par lanmour ini avek Kris Zezi ki konte.

2 Korentyen 12:4

La, i ti antann parol ki pa kapab ganny eksprimen, e ki zonm napa drwa repete.

2 Korentyen 9:15

Annou loue Bondye pour son don enkonparab!

2 Korentyen 1:22

Li menm ki'n mark nou avek son sele e ki'n met Lespri Sen dan nou leker koman en garanti.

Akt de Zapot 16:34

I ti anmenn Pol ek Silas kot li e donn zot manze. Sa zonm avek tou son fanmir ti ranpli avek lazwa, akoz aprezan, i ti'n vin en krwayan.

Levanzil dapre Zan 14:21

Sa enn ki kontan mwan, i posed mon bann komannman e i met zot an pratik. Mon Papa pou kontan sa enn ki kontan mwan. Mwan osi, mon pou kontan li e mon pou fer li konn mwan.

Levanzil dapre Zan 14:15

Si zot kontan mwan, zot pou obei mon bann komannman.

Matye 10:37

Sa enn ki kontan son papa oubyen son manman plis ki mwan, i pa merit ganny apele mon disip. Sa enn ki kontan son garson oubyen son fiy plis ki mwan, i pa merit ganny apele mon disip.

Kantik Salomon 5:16

Son labous i dou; mon anvi son lekor antye. Bann fiy Zerizalenm? Li menm mon byenneme, li menm mon zanmi.

1 Korentyen 16:22

Si en dimoun i pa kontan Senyer, i pou ganny modi. Maranata! Nou Senyer pe retournen!

Kantik Salomon 5:9

Ou ki pli zoli parmi tou bann fanm, ki ou byenneme i annan plis ki lezot zonm, pour ou sipliy nou konmsa?

Kantik Salomon 1:7

Ou ki mon leker i kontan! Dir mwan kote ou anmenn manze ou troupo. Kote ou fer li repoze ver milye lazournen? Konmsa, mon pa pou bezwen tay partou, kot troupo ou bann kanmarad.

Efezyen 3:19

Mon demande ki zot kapab konn lanmour Kris pour nou, menm si i depas tou konnesans imen. Konmsa, zot ava ranpli avek tou larises Bondye.