1 Pyer 1:3 - Labib An Kreol Seselwa

³ Annou loue Bondye e Papa nou Senyer Zezi-Kri! Dan son gran bonte, apre ki i ti resisit Zezi-Kri, i'n fer nou reviv pour en lesperans ki vivan,

1 Pyer 1:3 交叉參考

1 Pyer 1:23

Annefe, zot in ganny en nouvo lavi, pa par en semans ki kapab ganny detri, me par enn ki pa kapab ganny detri: Sa i Parol Bondye. Sa Parol i vivan e eternel.

1 Zan 5:4

Annefe, tou bann zanfan Bondye, i ganny laviktwar lo lemonn. Par nou lafwa, nou'n ganny laviktwar lo lemonn.

Romen 15:13

Bondye, ki donn lesperans, ava ranpli zot avek lazwa ek lape parfe dan lafwa. I ava rann zot ris avek lesperans, par pwisans Lespri Sen.

Efezyen 1:7

Annefe, par disan Zezi-Kri, nou'n ganny sove, e par larises son lagras, nou bann pese in ganny pardonnen.

2 Korentyen 1:3

Nou loue Bondye e Papa nou Senyer Zezi-Kri, Papa ki ranpli avek labonte, Bondye ki touzour konsole.

1 Zan 3:3

Tou dimoun ki annan sa lesperans dan Kris i vin pir, parey Senyer li menm i pir.

Romen 12:12

Reste dan lazwa akoz zot lesperans! Gard pasyans dan lasoufrans! Reste fidel dan lapriyer!

1 Zan 2:29

Zot konnen ki Kris i zis. Alor, zot devre rekonnet ki sa enn ki pratik lazistis, i en zanfan Bondye.

Efezyen 1:3

Nou loue Bondye, Papa nou Senyer Zezi-Kri. Ini avek Kris, i'n beni nou par akord nou toudsort benediksyon spirityel dan lesyel.

Egzod 34:6

SENYER ti pas devan li e proklanmen: Mwan menm SENYER, SENYER Bondye ranpli avek pitye ek konpasyon, pasyan, gran dan son fidelite ek lwayote;

Efezyen 3:20

Anver sa enn ki annan pouvwar fer bokou plis ki sa ki nou demande, oubyen mazinen, par son pwisans ki azir dan nou,

Efezyen 1:17

Mon demann Bondye nou Senyer Zezi-Kri, nou Papa merveye, donn zot Lespri lasazes ki ava revel avek zot e fer zot konn li vreman.

1 Pyer 3:21

Sa ti reprezant batenm, ki pa pirifye lekor, me ki en larepons ki nou fer Bondye avek en konsyans pir. I sov zot gras a rezireksyon Zezi-Kri

Psonm 86:15

Me ou SENYER! Ou en Bondye ki annan konpasyon e ki pran pitye. Ou pasyan; ou fidelite e ou bonte i gran.

1 Timote 1:14

Nou Senyer in repann son lagras annabondans lo mwan. I'n donn mwan lafwa ek lanmour ki sorti dan lakominyon avek Zezi-Kri.

Efezyen 2:4

Me, dan son gran konpasyon e son gran lanmour pour nou,

Let Zak 1:18

Par son prop volonte, i'n donn nou lavi par sa Parol ki laverite. Konmsa, nou ava vin koman bann premye fri son bann kreatir.

Let Pol pour bann Tit 2:13

Konmsa ki nou devre viv, an atandan sa gran Zour, kan laglwar nou gran Bondye ek nou Sover Zezi-Kri ava aparet.

1 Korentyen 15:20

Me Kris in resisite. I premye ki'n resisite parmi bann mor.

1 Korentyen 13:13

Aprezan, lafwa, lesperans ek lanmour i reste ansanm. Me lanmour i pli gran ki tou.

1 Zan 3:9

Sa enn ki'n vin zanfan Bondye pa fer pese, akoz pwisans lavi ki sorti kot Bondye i dan li. I pa kapab kontinyen fer pese, akoz Bondye i son Papa.

1 Pyer 2:2

Parey bann zanfan nouvo ne, kontan dile pir Parol Bondye. Konmsa zot ava grandi e ganny sove.

Ebre 3:6

Me koman son Garson, Kris i fidel dan lakaz Bondye. Sa lakaz se nou, si nou gard nou konfyans e reste solid dan sa ki nou pe espere.

1 Tesalonisyen 1:3

Annefe, devan Bondye nou Papa, nou rapel zot lafwa ki efikas, zot lanmour ki aktif, e zot lesperans ki solid dan nou Senyer Zezi-Kri.

Kolosyen 1:27

Annefe, Bondye in oule fer konn sa plan sekre ki ris e manifik e ki i'n prepare an faver tou bann pep. E sekre sa plan, se ki Kris i dan zot; i donn zot lasirans ki zot ava pran par dan laglwar Bondye.

Romen 8:24

I vre: Nou'n ganny sove, me dan lesperans selman. Si nou war sa ki nou pe espere, sa i nepli lesperans. Annefe, personn pa esper en keksoz ki deza la.

Romen 8:11

Si Lespri Bondye ki'n resisit Kris i reste dan zot, alor, sa enn ki'n resisit Kris, pou donn osi lavi zot lekor mortel par son Lespri ki dan zot.

Levanzil dapre Zan 1:13

Zot pa'n ne par en nesans natirel, ni par lavolonte zonm, me par lavolonte Bondye.

Zonas 4:2

I ti priy SENYER: SENYER! Sanmenm ki mon ti dir letan mon ti ankor dan mon pei. Pour sa rezon ki mon ti prefere sove pour al Tarsis, akoz mon konnen ki ou en Bondye ki bon e ranpli avek pitye, touzour pare pour pardonnen, ou pa pran lakoler vitman, ou ranpli avek lanmour e ou pa kontan fer ditor personn.

Ezai 26:19

Ou bann mor pou reviv, zot pou leve. Zot ki pe dormi dan lapousyer! Leve dan lazwa! Akoz ou laroze pou briye e later ava redonn lavi bann ki'n mor.

1 Zan 5:18

Nou konnen ki en dimoun ki'n ne koman zanfan Bondye pa fer pese, akoz Bondye i protez sa enn ki i'n donn nesans, e dyab pa kapab tous li.

1 Zan 5:1

Sa enn ki krwar ki Zezi i Kris, i en zanfan Bondye. Sa enn ki kontan en papa, i osi kontan son bann zanfan.

Kolosyen 1:23

Sepandan, fodre ki zot kontinyen reste fidel dan lafwa lo en fondasyon solid. Fodre pa les zot ganny antrennen lwen avek sa lesperans ki zot in gannyen depi ki zot in antann Bonn Nouvel. Sanmenm sa Bonn Nouvel ki'n ganny anonse avek tou dimoun dan lemonn antye e pour ki mwan, Pol, mon'n vin son serviter.

Romen 5:10

Kan nou ti ankor lennmi Bondye, nou ti ganny rekonsilye avek li par lanmor son Garson. A pli fort rezon, aprezan ki nou'n rekonsilye avek li, nou pou ganny sove par lavi son Garson.

Romen 4:25

Zezi ti ganny livre anmor akoz nou bann pese. Me Bondye i'n resisit li pour rann nou zis devan li.

Psonm 86:5

SENYER! Ou bon e ou pare pour pardonnen. Ou fidelite i gran pour dimoun ki kriy ver ou.

Psonm 41:13

Loue SENYER, Bondye Izrael pour touzour! Amenn! Amenn!

1 Kronik 29:20

David ti dir avek lasanble antye: Loue SENYER zot Bondye. Alor, tou lasanble ti loue SENYER, Bondye zot zanset. Zot ti bese e prostern devan SENYER e devan lerwa.

1 Rwa 8:15

I ti dir: Loue SENYER, Bondye pep Izrael, ki ti koz avek mon papa David par son prop labous, e ki par son pwisans, in akonpli tou sa ki i'n dir:

1 Zan 4:7

Mon bann zanmi! Annou kontan kanmarad, akoz lanmour i sorti kot Bondye. Sa enn ki kontan, i zanfan Bondye e i konn Bondye.

1 Tesalonisyen 4:13

Mon bann frer ek ser! Nou pa oule ki zot reste dan linyorans konsernan bann ki'n mor, pour ki zot pa sagren parey bann ki napa lesperans.

Galat 6:16

Pour tou dimoun ki swiv sa lareg dan zot lavi, mon dir: Lape, labonte Bondye ava avek zot, osi avek pep Bondye antye.

2 Tesalonisyen 2:16

Mon demande ki nou Senyer Zezi-Kri li menm, e Bondye, nou Papa ki'n kontan nou, e ki, par son lagras, i donn nou en lankourazman eternel ek en bon lesperans,

1 Pyer 1:13

Alor, gard zot lespri touzour alert, reste touzour vizilan. Met tou zot lesperans dan lagras ki zot pou resevwar kan Zezi-Kri pou ganny revele.

1 Pyer 1:21

Par li, zot krwar dan Bondye ki'n resisit li e ki'n donn li laglwar. Konmsa, zot met zot lafwa ek zot lesperans dan Bondye.

1 Pyer 3:5

Konmsa menm ki bann fanm ki servi Bondye ti fer otrefwa. Zot ti met zot lespwar dan Bondye e soumet zot avek zot mari.

1 Pyer 3:15

Me dan zot leker, rann glwar Kris koman zot Senyer. Zot devre touzour pare pour reponn bann ki demann zot leksplikasyon konsernan lesperans ki dan zot.

2 Kronik 31:8

Ler Ezekyas ek bann sef ti vini e war sa bann don, zot ti loue SENYER, e remersye pep Izrael.