Zozye 24:31 - Labib An Kreol Seselwa

³¹ Izrael ti servi SENYER tou dilon lavi Zozye, e tou dilon lavi bann ansyen ki ti reste vivan apre Zozye e ki ti konn tou bann mervey ki SENYER ti'n fer an faver Izrael.

Zozye 24:31 交叉參考

Ziz 2:7

Lepep ti servi SENYER toultan ki Zozye ti vivan e toultan ki bann ansyen ti viv ankor apre Zozye, zot ki ti'n war sa gran mervey ki SENYER ti'n akonpli pour pep Izrael.

Deterononm 31:13

Zot bann zanfan ki pa ankor konn sa lalwa ava kapab tande e aprann respe pour SENYER, ou Bondye tan ki ou viv dan sa pei ki ou pe al pran posesyon lo lot kote larivyer Zourden.

Deterononm 31:29

Annefe, mon konnen ki apre mon lanmor, zot pou vin koronpi, zot pa pou swiv semen ki mon'n ordonn zot. A lavenir, maler pou tonm lo zot, akoz zot pou fer sa ki mal devan SENYER e provok son lakoler par zot bann aksyon.

Deterononm 11:2

Rekonnet sa ozordi: Zot bann zanfan pa'n konnen, ni war bann keksoz ki SENYER, zot Bondye in fer. Me mon pe koz avek ou ki'n temwen son grander, son lafors ek son pwisans.

Filipyen 2:12

Mon bann zanmi! Zot in touzour obei mwan kan mon ti parmi zot. Aprezan ki mon lwen avek zot, kontinyen obeir plis ankor. Travay avek limilite ek respe pour zot ganny sove.

Akt de Zapot 20:29

Mon konnen ki apre mon depar, pou annan bann zonm parey loulou feros ki pou enfiltre parmi zot. Personn parmi zot pa pou ganny eparnyen.

2 Kronik 24:2

Zoas ti fer plezir SENYER pandan letan ki pret Yoyada ti vivan.

Deterononm 11:7

Zot in war avek zot prop lizye, tou sa bann gran mervey ki SENYER in fer.

Zenez 14:10

Ti annan en kantite pwi goudron dan vale Sidim e kan bann lerwa Sodonm ek Gomor ti pe sove, zot ti tonm dan sa bann pwi. Bann sirvivan ti sov dan montanny.

Ziz 2:6

Apre ki Zozye ti'n fer ale lepep, bann Izraelit ti retourn sakenn dan son propriyete, pour pran posesyon pei.

Ziz 2:10

Sa zenerasyon antye ti mor; en lot zenerasyon ki pa ti'n konn SENYER, ni mervey ki i ti'n akonpli pour pep Izrael, ti leve.

2 Kronik 34:33

Zozyas ti fer disparet tou bann pratik degoutan ki ti sorti dan tou bann pei e dan teritwar Izrael. I ti fer tou bann zabitan Izrael retournen pour servi SENYER, zot Bondye. Pandan tou lavi Zozyas, pep Izrael ti servi SENYER, Bondye zot zanset.