2 Alor, Zozye ti dir lepep antye: La sa ki SENYER Bondye Izrael i deklare: Zot bann zanset, Tera, papa Abrahanm e papa Nahor, ti reste otrefwa lot kote larivyer, e zot ti ador bann bondye etranze.
Si zot pa oule servi SENYER, swazir ozordi ki lekel ki zot oule servi: Swa bann bondye ki zot zanset ti adore lot kote larivyer Efrat, swa bann bondye pei bann Amorit kot zot pe reste. Mwan ek mon fanmir, nou pou servi SENYER.
Lev zot lizye ver Abrahanm, zot zanset e ver Sara ki'n donn zot nesans. Abrahanm ti napa zanfan ler mon ti apel li; apre, mon ti beni li e donn li bokou desandans.
La sa ki ou ava deklare devan SENYER, ou Bondye: Mon zanset ti en nomad Arameen. I ti desann Lezip kot i ti reste koman en etranze. Ti napa bokou zot. Me la, in vin en gran nasyon, pwisan e nonbre.
Alor, zot ti donn Zakob tou zot bann bondye etranze ki zot ti annan, e tou bann zanno ki ti dan zot zorey. Zakob ti anter zot anba pye dibwa sakre pre Sikenm.
Me sa enn avek ki ou ava war ou bann bondye, pou perdi son lavi. Dan prezans ou bann zans, gete kwa ki pour ou e pran.” Zakob pa ti konnen ki Rasel ti'n vol sa bann bondye.
