Zozye 22:28 - Labib An Kreol Seselwa

²⁸ Alor, nou ti dir antre nou: Si zot dir sa avek nou, oubyen avek nou bann desandan, nou ava reponn: Get sa model lotel SENYER ki nou zanset ti konstri, pa pou ofer bann sakrifis konplet, ni pour lezot sakrifis, me pour ki i en temwen ant nou ek zot.

Zozye 22:28 交叉參考

Ebre 8:5

Sa bann pret, fonksyon ki zot pe egzerse, i zis en kopi, en lonbraz sanktyer ki dan lesyel, akoz kan Moiz ti pe etabli sa latant, Bondye ti donn li sa lord: Ou ava fer tou parey sa model ki ou'n ganny montre lo montanny.

Egzod 25:40

Veye ki ou fer zot dapre model ki mon'n montre ou lo montanny.

2 Rwa 16:10

Lerwa Akaz ti mont Damas pour al zwenn Tiglat-Pileser, lerwa Asiri. Ler i ti war lotel ki ti Damas, lerwa Akaz ti anvoy en model sa lotel avek tou bann detay, kot pret Ouri.

Zozye 22:27

me pour servi temwen ant nou ek zot, e ant nou bann desandan. Par sa, zot ava konnen ki nou osi, nou pe servi SENYER, par nou bann sakrifis konplet, lezot sakrifis, bann sakrifis lape. Konmsa, demen, zot bann zanfan pa pou dir avek nou bann zanfan ki zot napa okenn par avek SENYER.

Zozye 22:29

Zanmen nou pou revolte kont SENYER. Pa ozordi ki nou pou detourn nou kont SENYER e konstri en lotel pour ofer bann sakrifis konplet, bann lofrann vezetal, ek lezot sakrifis, lo en lot lotel ki lotel SENYER, nou Bondye, sa enn ki devan son sanktyer.”

Zenez 31:48

Laban ti dir, “Sa ta ros i en temwen ant ou ek mwan ozordi.” Pour sa rezon i ti ganny apele Galeed.

Zozye 24:27

Zozye ti dir lepep antye, “Sa ros ava en temwen kont nou, akoz in antann tou bann parol ki SENYER ti partaz avek nou; i pou vin en temwen kont zot, dan ka ki zot trai zot Bondye.”

Ezai 19:19

Sa zour, pou annan en lotel pour SENYER dan milye pei Lezip e en kolonn pour SENYER lo son frontyer.