Zozye 15:4 - Labib An Kreol Seselwa

⁴ Frontyer ti pas answit par Asmonn e ariv kot larivyer lo frontyer Lezip, pour debous dan lanmer Mediterane. Sa i ava ou frontyer Sid.

Zozye 15:4 交叉參考

Nonm 34:5

Kitan Asmonn, i ava kontinyen ziska frontyer Lezip e fini dan lanmer Mediterane.

Zozye 13:3

depi toran Sihor ki anfas avek Lezip, ziska frontyer avek Ekronn dan Nor, ki ganny konsidere koman teritwar bann Kananeen, e ki ganny okipe par senk sef rwayonm bann Filisten: Gaza, Asdod, Askelonn, Gat ek Ekronn, ensi ki teritwar bann Avit;

Egzod 23:31

Mon pou etabli zot teritwar depi lanmer Rouz, ziska lanmer Mediterane e depi dezer, ziska larivyer Efrat. Mon pou delivre bann zabitan sa pei dan ou lanmen e ou ava fer zot sove devan ou.

Zenez 15:18

Sa zour, SENYER ti fer son lalyans avek Abranm. I ti dir, “Mon pou donn ou desandans, sa pei antye, depi larivyer Lezip ziska gran larivyer Efrat.

Zozye 15:3

I ti kontinyen dan Sid, ver montanny Akrabim, an pasan par Sin, pour remont dan direksyon Sid avek Kades Barnea, pas par Hesronn, mont ver Adar, e tourn dan direksyon Karka.

Zozye 15:47

Asdod, bann lokalite avek bann vilaz; Gaza avek bann lokalite avek bann vilaz, ziska larivyer Lezip, e ziska lakot Mediterane.

1 Rwa 8:65

Alor, Salomon ti profite pour selebre lafet avek pep Izrael antye ki ti'n rasanble, depi lantre Amat ziska larivyer Lezip. Zot ti fete pandan set zour devan SENYER Bondye.

Ezai 27:12

Sa zour, SENYER pou bat bann zepi depi larivyer Efrat, ziska larivyer Lezip. I pou rasanble zot enn par enn, pep Izrael.