Zozye 11:14 - Labib An Kreol Seselwa

¹⁴ Bann Izraelit ti pran tou piyaz lager ek tou sa ki zot ti posede ek zot bann zannimo. Me zot ti masakre tou bann zabitan, e detri zot tou, san kit okenn sirvivan.

Zozye 11:14 交叉參考

Zozye 11:11

Zot ti masakre tou sa ki ti vivan. Zot ti detri tou san kit nanryen vivan e zot ti met dife dan lavil Asor.

Zozye 10:40

Zozye ti ganny laviktwar lo sa pei antye ek zot bann lerwa: Rezyon montanny, rezyon Negev, rezyon laplenn, ziska dan bann rezyon anpant. I pa ti les okenn sirvivan. I ti detri tou et vivan, parey SENYER, Bondye Izrael ti'n ordonn li.

Zozye 8:27

Dapre lord ki SENYER ti'n donn Zozye, bann Izraelit ti pran pour zot, tou bann piyaz lager, tou bann zannimo e tou sa ki ti annan dan sa lavil.

Deterononm 20:14

Ou ava kapab pran koman piyaz lager, bann fanm, zanfan, bef, mouton, kabri e tou sa ki i annan dan sa lavil, tou sa ki annan valer. Ou ava kapab profit lo tou sa ki ti pour ou bann lennmi ki SENYER, ou Bondye in donn ou.

Nonm 31:9

Pep Izrael ti pran prizonnyen bann fanm Madyanit ek zot zanfan. Zot ti sezi zot bann zannimo, zot troupo ek tou zot byen koman piyaz lager.

Deterononm 20:16

Me konsernan bann lavil sa bann pep ki SENYER, ou Bondye pou donn ou koman patrimwann, ou pa pou les viv nanryen ki respire.

Zozye 11:13

Me bann Izraelit pa ti bril bann lavil ki sitye lo montanny, eksepte Asor, ki Zozye ti brile.

Zozye 11:15

Sa ki SENYER ti'n ordonn Moiz son serviter, Moiz ti ordonn Zozye. Zozye ti fer li. I pa ti negliz nanryen ki SENYER ti'n ordonn Moiz.

Zozye 8:2

Ou ava tret Ai ek son lerwa parey ou ti tret Zeriko ek son lerwa. Sepandan, zot ava kapab pran bann byen ki zot ava kaptire, ensi ki bann zannimo. Prepar en latak sirpriz kont lavil, par deryer.”

2 Kronik 20:25

Kan Zozafat ek son bann zonm ti arive pour fer piyaz, zot ti ganny en kantite zannimo, lenz ek en gran kantite lobze valer. Ti annan telman bokou, ki zot pa ti kapab anmennen. Zot ti pran trwa zour pour fini ranmase.