Zoel 2:2 - Labib An Kreol Seselwa

² En zour fernwanr ek brouyar, en zour avek nyaz epe ki kouver montanny. En gran larme zensek, nonbre e for, ki nou pa'n zanmen war, pe vini. Zanmen en keksoz parey in deza arive, e i pa pou zanmen ariv ankor dan lavenir.

Zoel 2:2 交叉參考

Zoel 1:6

En nasyon in anvai zot pei; zot tro nonbre e zot for. Zot ledan i parey ledan lyon; zot lanmaswar i parey lanmaswar en femel lyon.

Zoel 2:5

Zot fer tapaz, konmsi bann kales lager ki pe sote lo latet montanny. Ou ava krwar en dife ki pe bril lapay sek. Zot met zot annord parey en gran larme, pare pour lager.

Zoel 2:25

Mon pou ranplas tou sa ki zot in perdi, devore par sotrel, senir, kasbol, mon gran larme, ki mon'n anvoy lo zot.

Zoel 2:31

Avan sa zour SENYER i arive, soley pou vin sonm, lalin pou vin kouler disan. I pou en zour gran e terib.

Danyel 12:1

Dan sa letan, sa gran sef, Mikael, sa enn ki defann ou pep, pou leve. Sa letan pou en letan langwas, ki pa'n zanmen arive depi ki bann nasyon i egziste. Dan sa letan, ou pep pou ganny eparnyen; sa enn ki son non in ganny ekri dan liv, pou ganny eparnyen.

Ezai 8:22

Apre, zot ava tourn zot latet ver later; me zot pou war zis detres, fernwanr ek langwas terib; zot pou ganny zete dan fernwanr epe.

Ezai 5:30

Sa zour, pou annan en gronnyman kont li, parey gronnyman lanmer. Si ou get lo kote later, ou pou war zis fernwanr ek detres. Bann gro nyaz pou maske lalimyer.

Let Zid 1:13

Zot fann zot bann aksyon degoutan parey bann gro laroul lanmer ki pe kras zot lekim. Zot parey bann zetwal filan, e Bondye in rezerv en plas pour zot dan fernwanr, dan profonder labim.

Ebre 12:18

Zot pa ti apros keksoz ki zot ti kapab touse kan zot ti al ver montanny Sinai avek son dife feros, fernwanr, teneb, loraz.

Mark 13:19

Annefe, sa pou en letan gran soufrans, ki pa'n zanmen annan depi ki Bondye ti kree lemonn ziska konmela e ki pa pou zanmen ariv ankor.

Amos 4:13

Bondye i sa enn ki form bann montanny e kree divan. I revel son bann plan avek bann imen. I fer lizour vin lannwit. I mars lo bann oter. Son non: SENYER, Bondye liniver.

Danyel 9:12

Bondye in akonpli sa ki i ti dir kont nou e kont bann sef ki gouvern nou; i'n anvoy lo nou, dan Zerizalenm, sa pli gran maler ki pa'n zanmen deza arive anba lesyel.

Zeremi 13:16

Rann glwar SENYER ou Bondye avan ki i anvoy fernwanr, avan ki ou tap ou lipye kont en ros dan montanny. Ou ti pe esper lalimyer, me plito fernwanr ek nyaz sonm ki vini.

Psonm 97:2

Fernwanr ek nyaz i antour li. Son tronn i fonde lo lazistis ek ladrwatir.

Psonm 10:6

I dir dan li menm: Zanmen mon pou perdi; zanmen mon pou tonm dan maler.

Deterononm 32:7

Mazin letan pase; rapel bann lannen ki'n pase. Demann ou papa e i ava enform ou; demann ou bann zanset e zot ava rakont ou.

Egzod 20:21

Lepep ti debout lwen pandan ki Moiz ti apros kot Bondye ti ete dan sa nyaz epe.

Egzod 10:14

ki ti kouver Lezip antye. Ti annan bann gran lesen sotrel ki zanmen zot ti'n ganny war dan Lezip e zanmen pou war ankor.

Egzod 10:6

Sotrel pou ranpli ou bann lakaz, lakaz ou bann serviter e lakaz tou bann Ezipsyen. Sa pou en keksoz ki ni zot papa, ni zot gran papa pa'n zanmen war depi ki zot lo later, ziska ozordi.” Apre, i ti vire e sorti kot Faraon.

Matye 24:21

Annefe, sa pou en letan gran soufrans, pli terib ki'n deza arive depi konmansman lemonn ziska konmela, i ki pa pou zanmen ariv ankor.

Revelasyon 9:2

Sa zetwal ti ouver labim e en lafimen ti monte sorti dan pwi, parey lafimen en gran fourno. Soley ek ler ti vin sonm avek sa lafimen ki ti sorti dan sa pwi.

Lamantasyon 1:12

Zot ki pas par la, zot pa konpran ki personn pa'n soufer otan parey mwan? SENYER li menm, ki'n anvoy sa soufrans dan letan son gran lakoler.

Ezekyel 32:7

Kan ou pou ganny tennyen, mon pou kouver lesyel e fer vin sonm bann zetwal. Mon pou kouver soley avek en nyaz e lalin pou nepli donn son lalimyer.

Ezekyel 34:12

Parey en berze, ki pran swen son troupo ki'n disperse partou, mon pou rasanble tou mon troupo. Mon pou al rod zot partou la kot zot in disperse, dan sa zour movetan e gro fernwanr.

Ezekyel 38:9

Ou, avek tou ou bann alye ki avek ou, monte e atak zot. Ou ava desann lo zot koman en tanpet. Parey en gro nyaz, ou ava kouver pei avek ou bann troup.

Zeremi 13:6

En bon pe letan apre, SENYER ti dir mwan, “Retourn kot larivyer Perat e pran sa sang ki mon ti demann ou kasyet.”

Zoel 3:4

Zabitan Tir, Sidon ek bann rezyon Filisten! Ki zot oule avek mwan? Zot oule revanze? Alor, mon pou fer zot vanzans retonm lo zot.

Sofoni 1:7

Fer silans devan Senyer BONDYE! Akoz zour zizman SENYER i pros. SENYER in prepar en sakrifis; i'n konsakre son bann envite.

Zakari 14:6

Sa zour, lalimyer pa pou neseser. I pou nepli fer fre; pa pou annan laglas.