Ziz 9:7 - Labib An Kreol Seselwa

⁷ Ler Yotanm ti aprann sa nouvel, i ti mont lo latet montanny Garizim. I ti kriy for avek zot: Bann dimoun enportan dan Sikenm, ekout mwan! Bondye ava antann zot!

Ziz 9:7 交叉參考

Deterononm 11:29

Kan SENYER, ou Bondye in anmenn ou dan sa pei kot ou pe al antre pour pran posesyon, ou ava pronons benediksyon lo montanny Garizim e malediksyon lo montanny Ebal.

Levanzil dapre Zan 4:20

Nou bann zanset ti ador Bondye lo sa montanny, me zot Zwif, zot dir nou devre ador Bondye Zerizalenm.”

Deterononm 27:12

Kan zot ava'n travers larivyer Zourden, sa bann dimoun swivan ava debout lo montanny Garizim pour pronons benediksyon lo lepep: Simeon, Levi, Zida, Isakar, Zozef ek Benzamen.

Ezai 1:15

Ler zot lev zot lanmen ver mwan, mon pou ferm mon lizye. Menm si zot fer bokou lapriyer, mon pa pou ekoute; zot lanmen i ranpli avek disan.

Proverb 28:9

Sa enn ki bous son zorey pour li pa antann sa ki lalwa i dir, menm son lapriyer i donn degou.

Proverb 21:13

Sa enn ki bous son zorey ler en pov i kriye, pa pou ganny okenn larepons zour i ava kriye.

Zozye 8:33

Tou bann Izraelit, zot bann ansyen, zot bann sef e zot bann ziz, bann etranze ki ti pe reste parmi zot, ti debout lo sak kote, anfas avek Kof Lalyans SENYER ki bann pret-levit ti pe anmennen. Lanmwatye parmi zot ti plas zot lo kote montanny Garizim e lot lanmwatye lo kote montanny Ebal, parey Moiz, serviter SENYER ti'n ordonnen, pour zot beni pep Izrael.

Let Zak 2:13

Annefe, Bondye pou san pitye kan i pou ziz sa enn ki pa'n pran pitye pour lezot. Me sa enn ki annan pitye, napa nanryen pour li per zizman.

Deterononm 11:30

Sa bann montanny i sitye lot kote larivyer Zourden, dan direksyon Was, dan pei bann Kananeen ki viv dan Araba, vizavi Gilgal, pre avek bann pye dibwa sakre More.

Ziz 9:6

Tou bann dimoun enportan dan Sikenm ek lafanmir Bet-Milo ti rasanble pour al proklanm Abimelek lerwa pre kot pye terebent, akote pilye ki dan Sikenm.

Ziz 9:8

En zour, bann pye dibwa ti al swazir en lerwa. Zot ti dir pye zoliv: Vin nou lerwa.

Zenez 37:6

I ti dir zot, “Ekout mon rev: