5 bann montanny ti afese devan SENYER; sa ti montanny Sinai, devan SENYER, Bondye Izrael.
Montanny Sinai ti kouver avek lafimen, akoz SENYER ti'n desann dan en dife. Lafimen ti monte parey lafimen sorti dan en four e montanny antye ti tranble.
Bann montanny i fonn parey lasir devan SENYER ki gouvern later antye.
I fer tranble bann montanny, e fer fonn bann kolin. Dan son prezans, later i boulverse, e lemonn antye avek tou son zabitan.
Zot pa ti apros keksoz ki zot ti kapab touse kan zot ti al ver montanny Sinai avek son dife feros, fernwanr, teneb, loraz.
Bann montanny i war ou, zot tranble avek lafreyer. Lapli i tonm avek lafors; losean i ronfle. I anvoy son laroul anler.
devan ou, Bondye Sinai! Devan ou, Bondye Izrael! Later ti tranble, lapli ti deverse depi lesyel.
Montanny ti sote parey kabri, kolin parey zenn mouton.
Tou lepep ti antann loraz, zekler, son tronpet; zot ti war lafimen lo montanny. Lepep ti war; zot ti tranble e zot ti debout, lwen.
I get later, e later in tranble; i tous bann montanny e zot ganny kouver avek lafimen.
Mon Bondye! Ou ti fer en kantite lapli tonbe partou; ou'n redonn lavi ou pep ki ti'n randi.
Depi lontan nou'n vin sa bann ki ou nepli gouvernen, sa pep ki pa ganny apele par ou non.
