Sa zonm ti leve pour li ale avek son menazer ek son serviter. Me son boper, papa sa zenn fanm ti dir li, “Lazournen pe fini, aswar pe fer; pas lannwit isi. Lazournen pe fini, pas lannwit isi; kontinyen anmiz ou. Demen zot ava lev granmaten pour pran larout e ou ava retourn kot ou.”
Letan zot ti dan lazwa, zot ti dir, “Anmenn Sanmson pour li anmiz nou.” Zot ti fer Sanmson sorti dan prizon. I ti konmans fer boufon devan zot. Zot ti met li debout ant bann kolonn.
Kan Boaz ti'n fini manze e bwar, e i ti santi li byen, i ti al dormi obor son ta legren. Apre sa, Rit ti aprose dousman, dekouver son lipye, e alonz obor li.
Setyenm zour lafet, kan i ti'n konmans soule avek diven, lerwa ti apel Mehoumann, Bizta, Harbona, Bigta, Abagta, Zetar ek Karkas, set enik ki ti dan servis lerwa Zerzes.
Pandan sa menm moman, ti annan en gran tranblemandter, e en dizyenm parti lavil ti tonbe. 7,000 dimoun ti mor. Bann sirvivan ti ranpli avek lafreyer e zot ti rann glwar Bondye ki dan lesyel.
Bann zabitan later pou dan kontantman akoz zot lanmor. Zot pou fete e anvoy kado pour kanmarad, akoz sa de profet ti en tourman pour bann zabitan later.
Kan dimoun ava pe dir: Tou i anpe e an sekirite, alor en sel kou, destriksyon pou tonm lo zot, parey douler lakousman ki sezi en fanm ansent, e personn pa pou sape.
Zot ti al dan lakanpanny pour rekolte zot rezen ki zot ti kraze pour fer diven e apre, fer lafet. Zot ti al dan tanp zot bondye kot zot ti manze e bwar; apre, zot ti modi Abimelek.
Absalon ti donn sa lord son bann serviter, “Vey byen ler Amnon i soule avek diven, e mon ava dir: Tap Amnon! Zot ava touy li. Pa per, mwan ki donn zot lord. Pran kouraz, montre ki zot brav.”
Zezabel, son fanm, ti dir li, “Pa ou ki lerwa lo Izrael? Leve, manze e rann ou leker zwaye; mwan, mon pou donn ou plantasyon rezen ki pour Nabot, sa Zizreelit.”
