Ziz 19:3 - Labib An Kreol Seselwa

³ Son mari ti deside al rod li pour persiad li retourn avek li. I ti'n anmenn avek li son serviter ek de bourik. Sa fanm ti fer li antre dan lakaz son papa. Ler son papa ti war li, i ti byen akey li.

Ziz 19:3 交叉參考

Zenez 50:21

Alor, pa bezwen per aprezan. Mon pou nouri zot ek zot bann zanfan.” Konmsa, i ti redonn zot kouraz e tous zot leker.

Zenez 34:3

I ti kontan Dina, fiy Zakob e i ti esey ganny son leker.

Galat 6:1

Mon bann zanmi! Si zot arive sirprann en dimoun pe fer en keksoz mal, zot ki posed Lespri Bondye, zot devre anmenn li lo vre semen avek douser. Sakenn vey byen son prop lekor, fer atansyon ki ou menm, ou pa ganny tante.

Levanzil dapre Zan 8:11

Sa fanm ti reponn, “Non, Senyer, personn.” Zezi ti dir li, “Alor mwan osi, mon pa kondann ou. Ale, me pa bezwen fer pese ankor.”

Matye 1:19

Zozef, son mari, ti en zonm zis. Pour li pa dezonor Mari piblikman, i ti deside kas fiyansay an sekre.

Oze 2:14

Pour sa rezon, mon pou sedwir li; mon pou anmenn li dan dezer e reganny son konfyans.

Zeremi 3:1

La sa ki SENYER i deklare: Kan en zonm i divorse avek son fanm, e sa fanm i kit li pour en lot zonm, son mari pou kapab repran li ankor? Si i fer sa, pa i pe rann pei enpir? Sa ki Izrael in fer: In prostitye li avek en kantite lanmoure. Aprezan i oule retourn kot mwan!

Ziz 15:1

Apre en serten letan, pandan sezon rekolt dible, Sanmson ti al rann vizit son fanm avek en pti kabri. I ti dir, “Mon pou antre dan lasanm mon fanm.” Me papa sa fanm ti anpes li antre.

Nonm 22:22

Bondye ti ankoler akoz Balaanm ti'n ale. Dan semen, pandan ki i ti pe ale lo son bourik, akonpannyen par de serviter, lanz SENYER ti debout dan milye semen pour bar son semen.

Levitik 20:10

Si en zonm i komet adilter avek fanm son prosen, tou le de, sa zonm adilter ek sa fanm adilter, ava ganny touye.

Levitik 19:17

Ou pa pou annan okenn laenn dan ou leker kont ou prosen; reprimann ou prosen pour ou pa responsab son pese.

Ziz 19:2

Me sa fanm ti tronp li. I ti kit li e retourn kot son papa, ki ti reste Betlehenm dan Zida, kot i ti reste pandan kat mwan.

Ziz 19:4

Son boper, papa sa fanm, ti gard li, e i ti reste trwa zour kot li. Zot ti manze, bwar e dormi lanmenm.

Ziz 19:26

Ver bomaten, sa fanm ti vin tonm devan lakaz sa zonm kot son mari ti ete. I ti reste la ziska lizour ti fer.

Oze 2:16

La sa ki SENYER i deklare: Sa zour ou pou apel mwan: Mon mari. I pou nepli apel mwan: Mon Baal.