Zeremi 5:2 - Labib An Kreol Seselwa

² Kan zot deklare: Mon fer serman, lo non SENYER ki vivan, zot pe fer en fo serman.

Zeremi 5:2 交叉參考

Let Pol pour bann Tit 1:16

Zot dir ki zot konn Bondye, me zot bann aksyon i prouv tou lekontrer. Zot detestab, dezobeisan e zot pa kapab fer nanryen ki bon.

Zeremi 4:2

Si ou deklare senserman, e an verite: Mon fer serman devan SENYER ki vivan; alor, tou lezot nasyon ava demann mwan beni zot e zot ava loue mwan.

2 Timote 3:5

Zot pou fer sanblan ki zot fidel anver Bondye; me zot pou rezet son vre pwisans. Pa asosye ou avek bann dimoun parey.

Oze 10:4

Zot zis koze e fer bann fo serman ek bann promes vid. Zot bann zizman i file koman en plant anvaisan dan bann fose plantasyon.

Zeremi 7:9

Zot vole, zot fer krim, zot komet adilter, zot fer fo serman, zot ofer sakrifis Baal, e zot ador bann bondye ki zot pa konnen.

Ezai 48:1

Desandan Zakob, zot ki port non Izrael, e zot ki sorti dan leren Zida! Ekoute. Zot ki pret serman lo non SENYER e envok Bondye Izrael, me zot pa ni senser, ni lwayal.

Levitik 19:12

Ou pa devre fer fo serman an servan mon non; ou ava pe dezonor non ou Bondye. Mwan menm SENYER.

1 Timote 1:10

pour dimoun ki viv dan limoralite, bann omoseksyel, bann ki fer trafik lesklav, bann manter, bann ki fer fo serman e bann ki fer toudsort keksoz kontrer avek prensip ek lansennyman kretyen.

Malasi 3:5

Alor, mon pou apros zot pour zizman. Mon pou deswit pas zizman kont bann sorsye, bann ki komet adilter, bann ki fer fo serman, bann ki eksplwat zot travayer e ki abiz lo bann vev ek bann orfelen, e ki maltret bann etranze. Tou sa bann dimoun napa respe pour mwan. SENYER liniver ki deklare.

Oze 4:15

Izrael, ou'n tonm dan prostitisyon, pourvi ki Zida pa tonm dan menm fot. Pa bezwen al Gilgal, pa mont Bet-Aven, e pa pronons en serman pour dir: Par SENYER ki vivan.

Zeremi 44:26

Alor, zot tou ki sorti Zida e ki pe reste Lezip, ekout byen sa ki SENYER i dir zot: Mon fer serman par mon gran non, SENYER i deklare: Zanmen ankor mon pour permet personn parmi zot ki reste Zida, e partou dan pei Lezip, servi mon non pour dir: Mon fer serman par Senyer BONDYE ki vivan.

Sofoni 1:5

Mon pou fer disparet bann ki mont lo twa zot lakaz pour ador bann zetwal; bann ki prostern devan mwan, me ki anmenmtan pe pret serman lo non Molek.

Zeremi 9:2

Si selman mon ti annan en landrwa dan dezer kot mon ti ava kapab ale, lwen avek mon pep! Zot tou, zot en bann tret ki viv dan adilter.