Zeremi 17:3 - Labib An Kreol Seselwa

³ Akoz ou bann pese dan pei antye, ou ki frekant lo bann montanny ek lakanpanny, mon pou donn koman piyaz lager, tou ou larises, tou ou bann trezor ek ou bann landrwa sakre.

Zeremi 17:3 交叉參考

Zeremi 15:13

La sa ki SENYER ti dir avek pep Zida: Mon pou livre zot larises ek zot trezor avek zot lennmi. Sa i konsekans zot bann pese ki zot in komet atraver pei.

Zeremi 26:18

Kan Ezekyas ti lerwa Zida, Mise ki sorti Moreset, ti dir avek pep Zida: La sa ki SENYER liniver i deklare: Siyon pou ganny laboure parey en later; Zerizalenm pou vin en ta ros, e kolin kot tanp in ganny konstri, pour vin en oter kouver avek brousay.

2 Rwa 24:13

I ti anmenn tou bann trezor ki ti dan tanp SENYER, e tou bann trezor ki ti dan pale lerwa; i ti kraz an morso tou bann resipyan annor ki ti dan tanp SENYER, ki Salomon, lerwa Izrael, ti'n fer, parey SENYER ti'n anonse.

Mise 3:12

Alor, akoz ou, fose pou ganny fouye dan Siyon, Zerizalenm pou vin en ta debri. Montanny kot tanp i ete pou ganny kouver avek brousay.

Ezekyel 16:39

Mon pou livre ou dan lanmen ou bann galan e zot ava kraz ou bann lakaz prostitisyon ek ou bann landrwa sakre. Zot pou met ou touni, pran tou ou bann bizou e kit ou konpletman touni.

Ezekyel 6:3

Ou ava dir: Bann montanny Izrael, ekout parol Senyer BONDYE! La sa ki Senyer BONDYE i dir avek bann montanny ek kolin, bann ranpar ek vale: Mwan, mon pou anvoy lager kont zot e detri zot bann landrwa sakre.

Lamantasyon 1:10

Lennmi in poz son lanmen lo tou son bann trezor. Son pep in war bann pep etranze antre dan tanp kot SENYER li menm ti defann zot antre.

Zeremi 12:12

Partou dan rezyon montanny kot personn pa reste, bann devastater pe vini. Mon'n anvoy lager pour detri pei antye. Pou napa lape.

Ezai 27:9

Konmsa ki pese Zakob pou ganny efase. La rezilta pardon son pese: Tou bann ros ki ti servi pour fer bann lotel avek pou ganny kraze e vin koman lapousyer. Tou bann poto sakre, oubyen bann lotel lansan, pou disparet.

Levitik 26:30

Mon pou detri zot bann landrwa sakre e fer disparet zot bann lotel lansan. Mon pou met zot kadav an ta lo kadav zot bann zidol. Mon pou annan degou pour zot.

Psonm 78:58

Zot ti provok li avek zot bann landrwa sakre e rann li zalou avek zot bann zidol.

Zeremi 20:5

Mon pou osi les zot lennmi pran e fer piyaz tou larises sa lavil e sezi tou sa ki zot in gannyen afors travay, zot bann lobze presye, menm trezor bann lerwa Zida. Tousala, lennmi pou pran e anmenn avek li Babilonn.

Sofoni 1:13

Zot larises pou ganny pran. Zot lakaz pou ganny detri. Zot pou konstrir lakaz, me zot pa pou reste ladan. Zot pou plant rezen, me zot pa pou bwar son diven.

Zeremi 21:13

Mon kont zot ki reste dan vale, la kot bann ros i plat, SENYER i deklare. Annefe, zot dir: Personn pa pou kapab desann pour atak nou ni penetre dan nou landrwa kasyet.

Ezekyel 23:46

La sa ki Senyer BONDYE i deklare: Rasanble lepep kont zot; fer zot tranble; depouy zot avek tou sa ki zot posede.