Zenez 5:3 - Labib An Kreol Seselwa

³ Kan Adan ti annan 130 an, i ti ganny en garson ki ti vreman resanble li. I ti apel li Set.

Zenez 5:3 交叉參考

Zenez 4:25

Adan ek son fanm ti ganny ankor en garson ki ti apel Set. Ev ti dir, “Bondye in donn mwan en lot garson pour ranplas Abel ki Kaen ti touye.”

Efezyen 2:3

Nou tou, nou ti parey zot avan: Nou ti pe viv dapre pasyon nou prop natir; nou ti swiv bann dezir nou lekor ek nou lespri. Pour sa rezon, par natir, nou ti bann zanfan lakoler parey tou lezot imen.

1 Korentyen 15:39

Tou et vivan, zot annan en lekor diferan; lekor dimoun i diferan; pour zannimo i en lot, pour zwazo i en lot, e pour pwason i en lot ankor.

Romen 5:12

Pese in antre dan lemonn akoz en sel zonm: Adan. Pese in anmenn lanmor. E akoz nou tou nou'n komet pese, lanmor in tous tou bann et imen.

Levanzil dapre Zan 3:6

En dimoun ki'n ne fizikman par en paran imen, i en imen. Me enn ki'n ne par Lespri, i spirityel.

Levanzil dapre Lik 1:35

Lanz ti reponn li, “Lespri Sen pou desann lo ou. Bondye pou kouver ou avek son pwisans parey en lonbraz. Pour sa rezon, sa zanfan ki pou ne pou konsakre pour Bondye. I pou apel Garson Bondye.

Psonm 51:5

Depi zour mon nesans, mon dan pese. Mon manman ti fer mwan dan pese.

Liv Zob 25:4

Koman en zonm i kapab zis devan Bondye? Koman zanfan ki en fanm in donn nesans, i kapab pir devan Bondye?

Liv Zob 14:4

Lekel ki kapab fer sa ki pir sorti dan sa ki enpir? Personn pa kapab.

Levanzil dapre Lik 3:36

garson Kenann, garson Arpaksad, garson Senm, garson Noe,

1 Korentyen 15:49

Parey nou port resanblans sa zonm ki'n ganny fer avek later, nou pou port resanblans sa enn ki'n sorti dan lesyel.

Zenez 5:2

Bondye ti kree zot zonm ek fanm. Zour i ti kree zot, Bondye ti beni zot e apel zot imen.

Zenez 5:4

Apre nesans Set, Adan ti viv ankor 800 an e i ti ganny ankor lezot garson ek fiy.