Zenez 5:1 - Labib An Kreol Seselwa

¹ Sa lalis bann desandan Adan: Kan Bondye ti kree bann imen, i ti fer zot dan resanblans Bondye.

Zenez 5:1 交叉參考

Efezyen 4:24

Vin en dimoun konpletman nouvo, kree dan resanblans Bondye. Dimoun ava war ki zot pe viv dan en fason zis e sen ki laverite i prodwir.

Kolosyen 3:10

Zot in pran en nouvo natir: Natir zonm nouvo ki tou letan, Bondye son Kreater, pe renouvle dan vre konnesans pour nou resanble li parfetman.

Ebre 1:3

Sa Garson i reflekte laglwar Bondye. I reprezant egzakteman resanblans Bondye. I soutenir liniver par son parol pwisan. Apre ki i ti'n fini pirifikasyon pese bann et imen, i'n al asiz lo kote drwat Bondye, pwisans siprenm lao dan lesyel.

Eklezyas 7:29

Selman, la sa ki mon'n dekouver: Se ki Bondye in fer et imen drwat, me se zot ki'n rod konplikasyon.

Ebre 12:9

Pa oubliye ki sakenn nou, nou ti annan en papa lo sa later; i'n koriz nou e nou'n annan respe pour li. Sa i donn nou plis rezon pour nou soumet nou avek nou Papa ki dan lesyel pour nou resevwar lavi.

2 Korentyen 3:18

Nou tou ki vwal i'n ganny tire lo nou figir, nou reflekte laglwar Senyer. Ensi, nou'n ganny transformen, pour viv parey Senyer. Nou sorti dan en laglwar pour al dan en laglwar bokou pli gran: Sa i travay Senyer ki li menm i Lespri.

1 Korentyen 11:7

Pour en zonm, i pa bezwen kouver son latet, akoz i reflekte limaz e laglwar Bondye. Me en fanm i laglwar en zonm.

Matye 1:1

Sa i lalis bann zanset Zezi-Kri, desandan David, ki ti li menm en desandan Abrahanm:

Eklezyas 12:1

Pandan ki ou ankor zenn, pa oubliy ou Kreater, rapel li byen avan ki bann zour maler i tonm lo ou e ou dir: Mon nepli annan plezir dan nanryen.

1 Kronik 1:1

Adan ti papa Set, Set ti papa Enos,

Zenez 10:1

Apre deliz, bann garson Noe, Senm, Kanm ek Zafet ti ganny bokou zanfan. La lalis zot desandans:

Zenez 2:4

Sa i lorizin lesyel ek later kan zot ti ganny kree. Kan SENYER Bondye ti kree later ek lesyel,

Zenez 6:9

La lalis bann desandan Noe. Dan zenerasyon sa lepok, Noe ti en zonm zis e san repros. I ti mars avek Bondye.