Zenez 3:4 - Labib An Kreol Seselwa

⁴ Serpan ti dir sa fanm, “Zot pa pou mor.

Zenez 3:4 交叉參考

2 Korentyen 11:3

Me mon per ki, parey Ev ti ganny tronpe par riz serpan, zot les zot lespri egare lwen avek senserite ek lapirte ki zot devre annan anver Kris.

Levanzil dapre Zan 8:44

Zot, dyab ki zot papa, e se dezir zot papa ki zot oule realize. Depi o konmansman i en kriminel, i pa'n zanmen kontan laverite, akoz napa laverite dan li. Kan i koz manti, i koz dapre son natir, akoz i manter e papa tou mansonz.

1 Timote 2:14

Pa Adan ki ti ganny tronpe, me fanm ki ti ganny tronpe e ganny trouve koupab pour dezobei lord Bondye.

2 Korentyen 2:11

pour ki nou pa les nou ganny tronpe par Satan. Annefe, nou konn byen son bann lentansyon.

Zenez 3:13

SENYER Bondye ti dir avek sa fanm, “Akoz ou'n fer sa?” I ti reponn, “Serpan in anbet mwan e mon'n manze.”

Psonm 10:11

I dir dan li menm: Bondye in oubliye; in kasyet son figir, i pa pou zanmen war nanryen.

2 Rwa 8:10

Elize ti dir, “Al dir li: Ou pou geri. Me SENYER in revel mwan ki i pou mor sertennman.”

2 Rwa 1:16

I ti dir lerwa, “La sa ki SENYER i deklare: Ou'n anvoy bann mesaze pour al konsilte Baal-Zeboub, bondye Ekronn. Eski napa Bondye dan Izrael pour ou konsilte? Pour sa rezon, ou pa pou desann lo sa lili kot ou ete; ou pou mor.”

2 Rwa 1:6

Zot ti reponn li, “En zonm ti vin zwenn nou. I ti dir nou: Retourn kot lerwa ki'n anvoy zot e dir li: La sa ki SENYER i deklare: Eski napa Bondye dan Izrael, pour ki ou anvoy konsilte Baal-Zeboub, bondye Ekronn? Alor, ou pa pou sorti lo sa lili kot ou ete; ou pou mor.”

2 Rwa 1:4

La sa ki SENYER i deklare: Ou pa pou sorti lo sa lili kot ou ete; ou pou mor.” Apre, Eli ti ale.

Deterononm 29:19

Zot tou ki'n antann bann parol sa serman, pa felisit zot lekor par dir dan zot leker: Nou an sekirite menm si nou persiste dan nou move konportman, konmsi later ki'n ganny aroze, nepli swaf.

Zenez 3:3

Me kanta fri sa pye dibwa ki dan milye zarden, Bondye in dir: Pa manz li, pa ni tous li, sankwa ou pou mor.”

2 Kronik 18:21

Sa lespri ti reponn: Mon pou vin en lespri mansonz dan labous tou son bann profet. SENYER ti dir: I bon, ou ava reisi, al fer li.