Zenez 2:7 - Labib An Kreol Seselwa

⁷ SENYER Bondye ti form zonm avek lapousyer later. I ti soufle en souf lavi dan son nennen e i ti vin en et vivan.

Zenez 2:7 交叉參考

1 Korentyen 15:45

Annefe, Lekritir i deklare: Premye zonm, Adan, ti vin en et vivan. Dernyen Adan in vin en lespri ki donn lavi.

Liv Zob 33:4

Lespri Bondye ki'n kre mwan, e souf Bondye liniver ki fer mwan viv.

Eklezyas 12:7

avan ki lapousyer i retourn dan later kot in ganny tire e souf lavi i retourn kot Bondye ki ti donn li.

Ezai 64:8

Malgre sa SENYER, ou menm nou Papa; nou, nou larzil e ou, ou potye ki fasonn nou; nou tou, nou rezilta travay ki'n sorti dan ou lanmen.

Akt de Zapot 17:25

I pa bezwen ki zonm i okip li e fer nenport kwa pour li, akoz li menm ki donn tou dimoun lavi, respirasyon ek tou leres.

1 Korentyen 15:47

Premye zonm in sorti dan later; i lapousyer. Dezyenm zonm in sorti dan lesyel.

Zenez 3:19

Ou pou bezwen trimouse pour ganny ou nouritir ziska ki ou retourn dan lapousyer, kot ou sorti. Annefe, ou'n ganny tire dan lapousyer, ou pou retourn dan lapousyer.”

Liv Zob 27:3

Tan ki mon ankor vivan, tan ki souf Bondye i dan mwan,

Zenez 7:22

Tou kreatir lo later ferm, ki ti annan souf lavi, ti mor.

Zakari 12:1

En proklanmasyon sorti kot SENYER lo size Izrael: La sa ki SENYER ki'n tal lesyel e kree later, ki'n donn zonm lavi, i deklare:

Psonm 103:14

Annefe, i konnen koman nou'n ganny kree; i rapel ki nou zis lapousyer.

Psonm 100:3

Rekonnet ki SENYER i li menm Bondye ki'n kree nou e ki nou pour li. I nou berze e nou, nou son pep e mouton son troupo.

Romen 9:20

Me ki ou ete ou, zonm, pour ou kontredir Bondye? Eski en po later i kapab demann avek son fabrikan: Akoz ou'n fer mwan konmsa?

Ezai 2:22

Pa pran ka pour imen; i annan zis en souf dan son nennen. I pa vo nanryen.

Zenez 3:23

SENYER Bondye ti sas zonm dan Zarden Edenn pour ki i al kiltiv later kot in ganny tire.

Ebre 12:9

Pa oubliye ki sakenn nou, nou ti annan en papa lo sa later; i'n koriz nou e nou'n annan respe pour li. Sa i donn nou plis rezon pour nou soumet nou avek nou Papa ki dan lesyel pour nou resevwar lavi.

Nonm 16:22

Moiz ek Aaron ti tonm ater la fas ater. Zot ti dir, “Mon Bondye! Ou sa Bondye ki donn lavi tou kreatir! Akoz pour pese en sel dimoun, ou met ou ankoler anver kominote antye?”

Proverb 20:27

Konsyans i en lalanp ki SENYER in donn bann imen; i eksplor dan profon leker.

Liv Zob 33:6

Devan Bondye, mon parey ou; mwan osi, mon'n ganny fer avek labou.

2 Korentyen 5:1

Nou konnen annefe, si sa latant kot nou pe viv ladan lo later i ganny detri, nou annan dan lesyel en gran lakaz konstri par lanmen Bondye, pa par lanmen zonm, e ki eternel.

2 Korentyen 4:7

Me sa trezor, nou pe anmenn li dan bann po fer avek later, pour montre ki sa pwisans siperyer, i sorti kot Bondye, pa kot nou.

Levanzil dapre Zan 20:22

Apre, i ti soufle lo zot. I ti dir zot, “Resevwar Lespri Sen.

Liv Zob 4:19

eski i pou fer konfyans en et imen ki reste dan lakaz anter, ki son fondasyon i fer avek later e ki kapab ganny kraze parey en zensek?

Nonm 27:16

“SENYER Bondye! Ou ki donn lavi tou sa ki ou'n kree, swazir en zonm pour diriz sa kominote

Eklezyas 3:7

I annan en letan pour desire e en letan pour koud; en letan pour reste trankil e en letan pour koze.

1 Timote 2:13

Annefe, Adan ti ganny kree premye, apre ki Ev in vini.

Zenez 2:6

Me ti annan sours delo ki ti monte sorti dan later pour aroz tou sirfas later.

Lamantasyon 4:20

Lerwa, sours nou lavi, e ki SENYER ti swazir in ganny met dan zot kaso. Nou ti dir lo li: Nou ava viv parmi bann nasyon anba son proteksyon.

Ezekyel 37:5

La sa ki Senyer BONDYE i deklare avek sa bann lezo: Mon pou met en souf lavi dan zot e zot ava viv.

Zenez 1:27

Alor, Bondye ti kree et imen dan son limaz; dan limaz Bondye i ti kree zot, zonm ek fanm.

Ezekyel 37:6

Mon pou fer pouse bann nerf lo zot; mon pou fer misk pouse lo zot e kouver zot avek lapo. Mon pou met en souf dan zot e zot ava viv. Alor, zot ava rekonnet ki mwan menm SENYER.”