Zenez 2:2 - Labib An Kreol Seselwa

² Setyenm zour, Bondye ti'n fini tou travay ki i ti'n fer. Apre tou travay ki i ti'n fer, i ti repoze.

Zenez 2:2 交叉參考

Ebre 4:4

Annefe, konsernan setyenm zour, Lekritir i deklare: Setyenm zour, Bondye ti repoze apre tou son travay.

Egzod 31:17

Saba ava la koman en siny pour touzour ant mwan ek pep Izrael. Pandan sis zour, SENYER ti kree lesyel ek later; setyenm zour i ti arete e repoze.

Deterononm 5:14

Me setyenm zour i saba SENYER, ou Bondye. Zot pa pou travay: Ni ou, ni ou garson, ni ou fiy, ni ou serviter, ni ou servant, ni ou bef, ni ou bourik, ni okenn ou bann zannimo, ni en etranze ki reste parmi zot. Konmsa, ou serviter ek ou servant ava repoze parey ou.

Egzod 23:12

Pandan sis zour ou ava fer ou travay. Me setyenm zour, ou devre repoze pour ki ou bef ek ou bourik i kapab repoze e ki zanfan ou bann lesklav ek bann etranze parmi zot ava kapab repoze.

Levanzil dapre Zan 5:17

Me Zezi ti reponn zot, “Mon Papa i touzour pe travay, e mwan osi mon travay.”

Ezai 58:13

Si ou vey ou lepa pandan saba; si ou pa okip ou prop zafer dan mon zour sakre; si ou fer saba ou plezir e ou respekte sa zour sakre SENYER; si ou onor sa zour e pa fer ou prop volonte, ni fer ou prop zafer, e evit fer bann konversasyon initil,

Zenez 1:31

Bondye ti regard tou sa ki i ti'n fer; tou ti tre bon. Aswar ti fer, lizour ti arive. Sa ti sizyenm zour.

Ebre 4:10

Annefe, sa enn ki antre dan sa repo Bondye, i repoze avek son travay, parey Bondye ti repoze avek sa ki pour li.

Zenez 2:3

Bondye ti beni setyenm zour, e i ti fer sa zour en zour sakre, akoz sa zour, i ti repoze apre ki i ti'n fini tou travay kreasyon.

Egzod 31:15

Pandan sis zour zot ava travay; me setyenm zour i saba, konsakre pour SENYER. Sa enn ki travay zour saba ava ganny touye.