Zenez 2:1 - Labib An Kreol Seselwa

¹ Alor, lesyel, later ek tou sa ki ti ladan ti'n fini ganny kree.

Zenez 2:1 交叉參考

Psonm 33:6

Lesyel ti ganny kree par parol SENYER. Par souf son labous, in fer lesyel ek tou bann zetwal.

Egzod 31:17

Saba ava la koman en siny pour touzour ant mwan ek pep Izrael. Pandan sis zour, SENYER ti kree lesyel ek later; setyenm zour i ti arete e repoze.

Egzod 20:11

Annefe, pandan sis zour, SENYER ti fer lesyel ek later, lanmer e tou sa ki ladan; setyenm zour i ti repoze. Pour sa rezon, SENYER ti beni zour saba e i ti konsakre li.

Zenez 1:1

O konmansman, Bondye ti kree lesyel ek later.

Ezai 45:18

La sa ki SENYER i deklare, li ki'n kreater lesyel; sa Bondye ki'n kree later, ki'n form li e soutenir li; i pa'n kree li pour reste vid; me, i'n form li pour ki i ganny abite: Mwan menm SENYER, napa okenn lot.

Ezai 42:5

La sa ki Bondye i deklare, SENYER ki'n kree lesyel dan tou son grander; ki'n fer later avek tou son vezetasyon; ki donn lavi tou son bann zabitan, e son souf, tou sa bann ki viv lo later.

2 Rwa 19:15

Ezekyas ti priy devan SENYER e i ti dir: SENYER, Bondye Izrael, ou ki ou tronn i par lao bann seriben. Ou ki sel Bondye dan bann rwayonm lo later; ou ki'n kree lesyel ek later.

Ezai 45:12

Mwan ki'n fer later e kree bann zonm ki viv lo la. Mwan menm ki'n tal lesyel; mwan ki komann bann larme zetwal.

Psonm 146:6

I'n fer lesyel, later, lanmer ek tou sa ki egziste. I tenir son promes pour touzour.

Zakari 12:1

En proklanmasyon sorti kot SENYER lo size Izrael: La sa ki SENYER ki'n tal lesyel e kree later, ki'n donn zonm lavi, i deklare:

Psonm 33:9

Koman in koze, later i egziste. Koman in donn lord, later in egziste.

Nehemi 9:6

Zis ou, SENYER, zis ou ki'n fer lesyel, lesyel ki par lao lesyel, e tou sa ki i annan, later avek tou sa ki i kontenir, lanmer e tou sa ki ladan. Ou donn zot tou lavi. Liniver antye i ador ou.

2 Kronik 2:12

Mon rann glwar e remersye SENYER, Bondye pep Izrael, ki'n kre lesyel ek later. I'n donn lerwa David en garson ki ranpli avek lasazes, bon zizman ek lentelizans, ki kapab konstri en tanp pour SENYER ek en pale rwayal pour li menm.

Ebre 4:3

Nou ki krwar, nou pou antre dan sa repo Bondye. I ti deklare: Dan mon lakoler, mon ti fer sa serman: Zot pa pou antre dan sa pei kot mon'n prepar en repo pour zot. I ti dir sa, menm si son travay ti'n fini depi ki i ti kre lemonn.

Akt de Zapot 4:24

Kan zot ti antann sa zistwar, bann krwayan ti met zot ansanm pour priy Bondye, “Met! Ou ki'n kre lesyel, later, lanmer ek tou sa ki lo later e dan lanmer.

Zeremi 10:16

Me Bondye Izrael i pa parey zot. In kre liniver e in swazir Izrael koman son prop pep. SENYER liniver i son non.

Zeremi 10:12

Par son pwisans SENYER in kre later. Par son lasazes i ti kre lemonn e son lentelizans in etal lesyel.

Ezai 65:17

Mon pou kree en nouvo lesyel ek en nouvo later. Dimoun pou oubliy letan pase. Zot souvenir pa pou zanmen retourn dan lespri.

Ezai 48:13

Mwan ki'n poz fondasyon later; par mon lanmen drwat mon'n deroul lesyel; ler mon apel zot, Toudswit, zot reponn lapel.

Deterononm 4:19

Kan ou ava lev ou lizye ver lesyel e war soley, lalin, bann zetwal e tou sa ki i annan dan lesyel, pa les ou ganny tante e prosternen devan zot e servi zot. Tousala, SENYER, ou Bondye ki'n donnen avek tou bann pep ki viv anba lesyel.

Zenez 2:4

Sa i lorizin lesyel ek later kan zot ti ganny kree. Kan SENYER Bondye ti kree later ek lesyel,

Zenez 1:10

Bondye ti apel landrwa ferm later, e delo ki ti'n rasanble ansanm, lanmer. Bondye ti war ki sa ti bon.

Deterononm 17:3

e al servi e ador lezot bondye, tel ki soley, lalin, bann zetwal, oubyen okenn lobze dan lesyel, e ki mon'n defann zot fer,

Zeremi 8:2

Lennmi pou les sa bann lezo tale ater parey fimyen e les zot ganny ekspoze dan soley, lalin ek zetwal ki sa bann zans ti kontan, ki zot ti servi, konsilte e adore.

Ezai 55:9

Parey lesyel i lwen par lao later, mon fason azir i bokou pli lwen par lao zot fason azir e mon panse i pli o ki zot panse.

Liv Zob 12:9

Annefe, lekel parmi zot pa konnen ki lanmen SENYER ki'n fer tousala?

Akt de Zapot 7:42

Me Bondye ti tourn ledo kont zot, e les zot ador bann zetwal dan lesyel, parey in ekri dan liv bann profet: Pep Izrael! Eski pour mwan ki zot ti ofer bann sakrifis lape ek sakrifis konplet, pandan 40 an dan dezer?

Levanzil dapre Lik 2:13

Deswit, en gran larme lanz ti zwenn avek sa lanz. Zot ti loue Bondye. Zot ti dir,

Ezai 34:4

Tou bann larme lesyel pe pouri. Lesyel in roul roule parey en liv. Tou son larme pou grennen parey fey rezen ki'n fletri, oubyen parey fey fig ki'n fletri.

Psonm 104:2

Lalimyer i anvlop ou parey en dra; ou'n etal lesyel parey en tapi.