Zenez 10:4 - Labib An Kreol Seselwa

⁴ Bann garson Yavann: Elisa, Tarsis, Kitim ek Rodanim.

Zenez 10:4 交叉參考

Danyel 11:30

Bann bato sorti Sip pou atak li; i pou dekouraze e retournen. Dan son lakoler, i pou tourn kont lalyans sakre e tonm dakor avek sa bann ki'n abandonn lalyans sakre.

Ezai 23:12

In dir: Zabitan Sidon pou nepli fer lafet. Ou parey en zenn fiy ki'n ganny vyole. Leve! Al Sip. Menm laba, ou pa pou ganny okenn repo.

Ezai 23:1

En mesaz konsernan Tir. Bann navir Tarsis, irle! Zot por in ganny detri. Zot ti ganny sa nouvel ler zot ti retournen sorti Sip.

Nonm 24:24

Bann anvaiser pour sorti Sip. Zot pou imilye bann Asiriyen ek fanmir Heber. Li osi pou ganny detri pour touzour.

Ezekyel 27:25

Tou ou bann marsandiz ti ganny transporte dan bann gran bato sorti Tarsis. Tir! Ou ranpli avek marsandiz. Ou ti parey en bato sarze an plennmer.

Ezekyel 27:12

Tarsis ti fer komers avek ou akoz ou ti posed bokou larises; zot ti fourni ou avek larzan, fer, leten ek diplon.

Zenez 10:5

Bann zabitan lo lakot ti zot desandan. Sa ti bann garson Zafet. Sakenn ti ganny dapre son langaz, son nasyon e dapre son klan.

1 Kronik 1:7

Bann garson Yavann: Elisa, Tarsis, Kitim ek Rodanim.

Ezekyel 27:6

Ou bann zaviron in ganny fabrike avek meyer dibwa sorti Basann. Ou pon in ganny konstri avek meyer dibwa, enkriste avek livwar, sorti zil Sip.

Ezekyel 27:7

Ou bann lavwal in ganny koud avek linenn fen, sorti Lezip, dekore avek brodri, parey paviyon ki ou rekonnet depi lwen. Ou ti osi annan latwal kouler vyolet ek rouz sorti zil Sip.