Rit 2:9 - Labib An Kreol Seselwa

⁹ Get byen ki plantasyon ki pe ganny rekolte, e mars deryer bann fanm. Mon'n donn lord bann zennzan pour pa tous ou? Ler ou swaf, al bwar dan bann gargoulet ki bann zennzan in ranpli.”

Rit 2:9 交叉參考

1 Zan 5:18

Nou konnen ki en dimoun ki'n ne koman zanfan Bondye pa fer pese, akoz Bondye i protez sa enn ki i'n donn nesans, e dyab pa kapab tous li.

Zenez 20:6

Bondye ti reponn li dan en rev, “Wi, mon konnen ki ou'n azir avek en leker net. Pour sa rezon, mon'n anpes ou komet en pese kont mwan e mon pa'n permet ou tous li.

1 Korentyen 7:1

Aprezan, konsernan bann size ki zot ti ekri mwan: I bon pour en zonm evite annan fanm.

Matye 10:42

En dimoun ki donn menm en ver delo fre sa enn ki pli pti parmi mon bann disip, akoz i mon disip, mon dir zot, sa i laverite: I pa pou perdi son rekonpans.

Proverb 6:29

Sa i parey pour sa enn ki dormi avek fanm son prosen; sa enn ki tous li pour pey konsekans.

Psonm 105:15

Pa tous bann ki mon'n konsakre; pa fer ditor mon bann profet.

Liv Zob 19:21

Zot mon bann zanmi! Pran pitye pour mwan, pran pitye pour mwan! Lanmen Bondye ki'n tap mwan.

Rit 2:8

Alor, Boaz ti dir avek Rit, “Ekoute, mon fiy, pa al ranmas zepi mai dan okenn lezot plantasyon. Reste isi avek mon bann servant.

Rit 2:10

Apre sa, Rit ti tonm lafas ater e remersye li, “Koman ou'n tonm dakor avek mwan, e ou montre lentere pour mwan, ki en etranze?”