18 Rit ti pran tou e i ti al dan lavil. I ti montre son belmer tou sa ki i ti'n rekolte. Apre ki i ti'n manz son lapeti, i ti osi anmenn leres legren roti pour son belmer.
Kan ler manze ti arive, Boaz ti dir avek Rit, “Vin isi, vin manz en pe dipen, e tranp ou bout dipen dan diven.” Alor, Rit ti asiz obor bann travayer, e Boaz ti pas li bann legren roti, e Rit ti manz son lapeti, e ti reste.
Si en vev i annan zanfan oubyen pti zanfan, fodre ki sa bann zanfan i aprann met an pratik zot devwar relizye dabor anver zot prop fanmir. Konmsa, zot ava pe ranpli zot devwar anver zot paran oubyen zot gran paran. Sanmenm sa ki fer plezir Bondye.
