Sa zour, diven ek dile pou koule sorti lo montanny. Delo pou koule dan tou bann larivyer dan Zida. En sours pou sorti dan tanp SENYER; i pou aroz bann landrwa sek.
En peryod 70 semenn in ganny fikse pour ou pep e pour ou lavil sen, pour fer arete transgresyon, e met en lafen avek pese; pour fer disparet tou sa ki mal; pour etabli lazistis pour touzour; pour realiz vizyon ek mesaz sa profet e konsakre en Lasal Tre Sen.
Fer sa pei prodwi en kantite dible e bann kolin ava kouver avek bann zepi e son bann fri ava parey sa bann ki sorti Liban! Fer bann lavil ranpli avek zabitan parey zerb dan laplenn.
Lesyel! Fer tonbe lazistis parey laroze. Bann nyaz ava fer tonbe satiman parey lapli. Later! Ouver e les delivrans fleri e fer bourzonnen lazistis. Mwan SENYER ki'n kree tousala.
Mon pou fer vini lor olye bronz, mon pou fer vini larzan olye fer; bronz dan plas dibwa, fer dan plas ros. Mon pou met lape pour vey lo ou, Lazistis, pour diriz ou.
