1 Bondye! Akord nou ou lagras e beni nou. Fer ou vizaz briy lo nou!
Bokou pe dir: Lekel ki pou montre nou sa ki byen? SENYER! Fer leve lalimyer ou lafas lo nou.
Annefe, Bondye ki'n dir: Lalimyer pour briye omilye teneb. Se li menm ki'n briye dan nou leker, pour donn lalimyer konnesans son laglwar ki ilimin vizaz Kris.
Mon Bondye ki zis! Reponn mwan ler mon kriy ver ou. Soulaz mwan ler mon dan detres. Pran pitye pour mwan, ekout mon lapriyer.
Beni mwan ou serviter avek bonte; ansenny mwan ou bann regleman.
Fer ou regar briye lo mwan, ou serviter; dan ou fidelite, sov mwan.
SENYER! Bondye liniver! Retabli nou. Fer ou vizaz briye lo nou. Sov nou.
Bondye liniver! Retabli nou. Fer briye ou vizaz lo nou e sov nou.
Nou loue Bondye, Papa nou Senyer Zezi-Kri. Ini avek Kris, i'n beni nou par akord nou toudsort benediksyon spirityel dan lesyel.
Sov ou pep SENYER! Beni ou pep. Vin son berze! Vey lo li pour touzour.
SENYER! Pardonn ou pep Izrael ki ou'n delivre; pa rann Izrael responsab disan en inosan. Apre, zot ava ganny pardonnen pour sa disan ki'n ganny verse.
SENYER! Ou ankoler kont mwan; me pa pini mwan. Ou fatige avek mwan; me pa pini mwan.
Bondye i renonmen dan Zida. Son non i gran dan Izrael.
