3 SENYER! Byen bomaten, ou antann mon lavwa; tou le bomaten mon met mwan pare e mon espere.
Byen avan soley i leve, mon kriy ver ou. Mon kont lo ou bann parol.
SENYER! Mwan, mon pe kriy ver ou. Tou le bomaten, mon lapriyer i devan ou.
Lannmen byen granmaten, ankor fernwanr, Zezi ti leve. I ti al an deor lavil, dan en landrwa dezer kot i ti priye.
Mon esper SENYER avek tou mon leker plis ki en gardyen i espere pour lizour fer. Wi! Plis ki en gardyen i espere pour lizour fer.
Bomaten, midi, aswar mon boulverse, mon plennyen. I ava antann mon lavwa.
Pandan lannwit, mon rod ou avek tou mon leker. Mon lespri i rod ou avek en dezir profon. Akoz ler ou aplik zizman lo later, bann zabitan lemonn i aprann pratik lazistis.
SENYER, Reponn mwan! Ou fidelite i fer mwan dibyen. Dan ou gran konpasyon, tourn ver mwan!
Mon Bondye! Mon Bondye! Lizour mon apel ou, me ou pa reponn. Dan lannwit mon kriye, e mon pa ganny repo.
Alor, zot in pous bann pov pour kriy ver Bondye e i ti antann lapriyer sa bann malere.
Par ou, nou repous nou bann lennmi. Par ou, nou kraz bann ki atak nou.
Pourtan, Bondye i mon Lerwa depi touzour. Ou'n donn nou souvan laviktwar dan nou pei.
Byennere sa bann ki viv dan ou tanp e ki kontinyelman sant ou louanz.
SENYER! Ekout mon lapel Port atansyon kan mon sipliy ou.
Mon pou proklanm ou grander, Bondye mon lerwa. Mon pou loue ou non pour touzour e touzour.
Ou ti antann mon lapriyer: Pa bous ou zorey ler mon kriy osekour!
