Psonm 4:4 - Labib An Kreol Seselwa

⁴ Tranble dan ou leker, pa fer pese. Lo ou lili, medit dan ou leker e reste trankil.

Psonm 4:4 交叉參考

Efezyen 4:26

Si zot pran lakoler, fer atansyon pour zot pa tonm dan pese, e fer atansyon pa les zot lakoler dire ziska aswar.

Psonm 77:6

Aswar, mon reflesir atraver mon lanmizik; mon mazinen, mon demann dan mwan menm:

Proverb 3:7

Pa krwar ou tro saz; annan respe pour SENYER e elwanny avek sa ki mal.

Psonm 63:6

Ler mon alonze lo mon lili, mon mazin ou. Mon pas tou lannwit mazin ou,

Psonm 46:10

Arete! Konnen ki mwan menm Bondye. Mon domin lo tou nasyon; mon domin lo later antye.

2 Korentyen 13:5

Egzamin zot lekor pour war si zot pe gard zot lafwa. Teste zot lekor. Pa zot rekonnet ki Zezi-Kri i reste dan zot? Amwen ki zot pa pas tes!

Psonm 33:8

Later antye i ador SENYER! Tou zabitan later i rann li omaz.

Liv Zob 28:28

Alor Bondye ti dir avek limanite: Respe pour SENYER, sanmenm sa lasazes. Elwanny ou avek lemal, e ou ava trouv disernman!

Proverb 16:6

Lalwayote ek lanmour i pardonn en fot; Sa enn ki annan respe pour SENYER i evit fer sa ki mal.

Habakouk 2:20

Me SENYER i prezan dan son tanp sen. Later antye! Fer silans devan li.

Proverb 16:17

Semen sa enn ki drwat i evit lemal; sa enn ki vey lo son mannyer viv, i protez son lavi.

Psonm 119:161

Bann sef i persekit mwan san rezon. Me mon annan respe zis pour ou parol.

Psonm 3:4

Mon kriy for ver SENYER; depi son montanny sen i reponn mwan.

Psonm 2:11

Servi SENYER avek respe. Rezoui dan limilite;

Zeremi 5:22

Mwan SENYER, mon demann ou: Akoz ou napa respe pour mon lotorite? Akoz ou pa tranble devan mwan? Mwan menm ki'n met disab koman en baryer pour lanmer. Sa baryer pou touzour la, e lanmer pa pou zanmen depas li. I kapab azite; sa pa pou servi nanryen. Pli gro laroul pa pou kapab depas li.

Psonm 3:2

Bokou pe dir lo mwan: Bondye pa pou delivre li.

Psonm 17:6

Mon apel ou, mon Bondye, akoz mon konnen ki ou pou reponn mwan. Donn mwan ou latansyon, ekout mon lapriyer.