Psonm 4:3 - Labib An Kreol Seselwa

³ Pa oubliye ki SENYER in met apar sa enn ki reste fidel anver li. SENYER i antann mwan ler mon apel li.

Psonm 4:3 交叉參考

Levanzil dapre Zan 15:16

Pa zot ki'n swazir mwan, me mwan ki'n swazir zot e etabli zot pour ale e raport bokou fri, bann fri ki pou dire. Mon Papa i ava donn zot nenport kwa ki zot demande an mon non.

Psonm 34:15

Lizye SENYER i fikse lo bann zis. Son zorey i ouver pour ekout zot ler zot kriye.

2 Pyer 2:9

Sa i montre ki Senyer i konnen ki mannyer i pou delivre dimoun ki atase avek li kan zot dan difikilte, e gard bann malfeter pour pinisyon zour zizman.

2 Timote 2:19

Pourtan, sa baz solid ki Bondye in poze i reste solid. Sa bann parol i reste grave: Senyer i konnen lekel ki lo son kote. E ankor: Sa enn ki nonm non Senyer, i devre detourn li avek lemal.

Let Pol pour bann Tit 2:14

Annefe, Zezi-Kri i'n donn son prop lavi pour nou, pour delivre nou dan tou mal e pirifye nou koman en pep ki pour li, en pep zele pour fer sa ki byen.

1 Pyer 2:9

Me zot, zot en ras ki'n ganny swazir, en group pret rwayal, en nasyon sen, en pep ki pour Bondye. I'n swazir zot. In fer zot sorti dan fernwanr pour pas dan son lalimyer merveye, pour proklanm son bann mervey.

Egzod 33:16

Ki mannyer lezot pou konnen ki nou ou pep ki ou'n swazir? Nou diferan avek lezot pep lo later.”

Psonm 6:8

Zot ki fer sa ki mal! Ale, les mwan trankil, akoz SENYER in antann mwan plere.

Efezyen 2:10

Annefe, Bondye ki'n form nou; i'n kre nou ini avek Zezi-Kri pour nou akonpli bann bonn aksyon ki Bondye in prepare davans, pour nou met zot an pratik.

Psonm 50:5

Rasanble mon bann fidel ki'n fer en lalyans avek mwan par en sakrifis!

Psonm 31:23

Zot son bann fidel! Kontan SENYER. SENYER i protez sa enn ki fidel anver li; me i fer bann arogan pey doub.

Psonm 56:9

Alor, zour mon pou apel ou, mon bann lennmi pou rekile. Mon konnen ki Bondye i lo mon kote.

Psonm 49:3

Mon labous pou pronons parol lasazes; mon leker pou medit lo keksoz profon.

Psonm 62:10

Pa met ou konfyans dan vyolans; pa esper vin ris avek keksoz vole. Menm si ou larises i ogmante, pa met ou leker lo la.