Psonm 4:2 - Labib An Kreol Seselwa

² Zot bann zonm! Pandan konbyen letan ankor zot pou abes mon loner? Pandan konbyen letan ankor zot pou dir bann parol vid ek mansonz?

Psonm 4:2 交叉參考

Proverb 1:22

Zot bann bet! Ziska kan zot pou kontinyen kontan zot sotiz? Ziska kan bann ensolan pou kontan ensilte, e bann sot deteste konnesans?

Oze 4:7

Pli zot in ogmante, pli zot pese kont mwan in ogmante. Mon pou fer zot laglwar vin laont.

Psonm 3:3

Me ou, SENYER, ou en boukliye protekter pour mwan; ou mon loner e ou fer mwan fyer.

Zeremi 2:11

Zanmen en nasyon in sanz son bondye, menm si i pa bondye. Me mon pep in sanz son loner pour swazir bann bondye ki pa kapab ed li.

Psonm 106:20

Zot ti ranplas laglwar Bondye par stati en zenn bef ki manz zerb.

Psonm 5:6

Ou detri bann ki koz manti. SENYER i deteste bann kriminel ek bann voler.

Efezyen 4:25

Pour sa rezon, rezet tou mansonz! Sakenn i devre dir laverite avek son prosen, akoz nou tou, nou manm en menm lekor.

Eklezyas 8:11

Nou tarde pour kondann en move aksyon, akoz leker imen i ranpli avek move lentansyon.

1 Samyel 12:21

Pa tourn kont li pour swiv bann fo bondye ki pa servi dan nanryen, ni kapab delivre zot, akoz zot pa vo nanryen.

Zonas 2:8

Bann ki ador bann fo bondye napa sans ganny sove.

Zeremi 9:3

SENYER i deklare: Zot lalang i parey en fles. Mansonz in ranplas laverite dan sa pei. Mon pep i fer sa ki mal enn deryer lot. Zot refize rekonnet mwan koman zot Bondye.

Ezai 59:4

Personn pa port plent dapre lazistis; personn pa defann dapre laverite; zot pled dan vid, zot koz manti; zot konsevwar sa ki mal e zot anmenn maler.

Ezai 45:17

Me Izrael i ganny sove par SENYER; i sov li pour touzour. Zanmen i pou ganny kouver avek laont ni ganny ensilte.

Ezai 20:5

Zot pou efare e dan laont, akoz zot ti'n met zot konfyans dan Letyopi, e vant zot lekor akoz Lezip.

Psonm 63:11

Lerwa pou dan lazwa, akoz Bondye in donn li laviktwar. Tou dimoun ki pret serman lo non Bondye pou loue li. Labous bann manter pou reste fermen.

Psonm 58:3

Depi dan vant zot manman, bann malfeter i pratik sa ki mal. Depi zour zot nesans, zot in pran move semen e zot manter.

Psonm 58:1

Bann dirizan! Eski zot vreman koz lazistis? Konmsa ki zot ziz bann imen avek ladrwatir?

Psonm 57:4

Mon'n ganny antoure par bann lyon feros, bann zonm ki annan ledan parey lans ek dart. Zot lalang i koupe parey en lepe byen fite.

Psonm 31:6

Mon deteste bann ki ador zidol initil; me mon met mon konfyans dan SENYER.

Psonm 14:6

Zot mepriz lespwar en malere. Me SENYER i son protekter.

Psonm 2:1

Akoz bann nasyon i fer konplo? Akoz bann pep i fer bann plan initil?

Eklezyas 9:3

La kot i mal dan tou sa ki pase anba soley: En menm sor pour tou dimoun san okenn eksepsyon. Leker imen i plen avek mesanste, lafoli i ranpli zot leker depi zot lazenes ziska zot lanmor.

Psonm 72:2

I pou ziz ou pep avek drwatir e ou bann pov avek lazistis.

Nonm 14:11

SENYER ti dir Moiz, “Pour konbyen letan ankor sa pep pou rezet mwan? Pour konbyen letan ankor zot pou refize krwar dan mwan, malgre tou sa bann siny ki mon'n fer parmi zot?

Egzod 10:3

Alor, Moiz avek Aaron ti al kot Faraon ankor. Zot ti dir li, “La sa ki SENYER Bondye bann Ebre i deklare: Ziska kan ou pou refize imilye ou devan mwan? Les mon pep ale pour zot al servi mwan.

1 Korentyen 1:31

Donk, parey Lekritir i deklare: Sa enn ki oule vant son lekor, met son lafyerte dan Senyer.

Zeremi 2:5

La sa ki SENYER i deklare: Ki zot zanset i annan kont mwan ki'n fer zot kas relasyon avek mwan, pour zot al ador bann zidol initil e rann zot menm initil?

Psonm 50:15

Apel mwan zour ou dan maler; mon ava delivre ou e ou ava sant mon laglwar.

Akt de Zapot 24:9

Bann Zwif ti zwenn ansanm pour konfirmen ki tou sa bann akizasyon ti vre.