2 I pa vo lapenn lev granmaten e al dormi tar. Ou fatige travay pour ganny manze! SENYER i donn otan son bann zanmi kan zot dan zot sonmey.
Sonmey en labourer i profon, menm si i ganny zis en pti pe manze oubyen bokou pour manze; me en zonm ris pa dormi akoz i posed tro bokou.
Mon pou alonze e dormi anpe, akoz ou SENYER, ou gard mwan an sekirite.
Ou ava annan konfyans akoz pou annan lespwar. Menm si ou kanmi, ou ava dormi anpe.
Mon alonze, mon dormi; apre mon leve. SENYER i touzour la, akote mwan.
Apre sa, mon ti reveye; sa sonmey ti'n fer mwan dibyen.
Mon pou fer en lalyans lape avek zot e fer disparet tou zannimo feros dan sa pei. Konmsa zot ava kapab viv anpe dan dezer e dormi dan bwa an sekirite.
Mon'n war tou sa ki ganny fer anba soley; tousala i zis vanite, initil, konmsi ou pe tay deryer divan.
Tou lapenn travay en et imen i zis pour son labous, me san satisfer son lapeti.
En zonm i tousel; i napa ni zanfan, ni frer, me i travay san pozman. Son lizye pa zanmen fatige war larises. Alor, pour ki i pe travay e pe priv son lekor? Sa i vanite e en move sityasyon pour viv ladan.
Par ou pwisans, donn nou laviktwar; reponn nou e delivre bann ki ou kontan.
Benediksyon SENYER i donn larises; i pa anmenn okenn sagren.
