Psonm 101:3 - Labib An Kreol Seselwa

³ Mon pa pou get nanryen ki napa valer. Mon pou deteste fason fer bann ki egare. Zot pa pou annan nanryen pour fer avek mwan.

Psonm 101:3 交叉參考

Psonm 119:37

Pa les mon lizye ganny anbete par keksoz ki napa valer. Fer mwan viv dapre ou lavolonte.

Liv Zob 31:1

Mon ti'n fer en promes avek mon lizye: Pour pa regard en zenn fiy avek dezir.

Proverb 6:25

Pa dezir son labote dan ou leker e pa les li sedwir ou par son regar.

Matye 5:28

Me mwan mon dir zot: En dimoun ki get en fanm avek lanvi, i'n deza komet adilter avek li dan son leker.

Psonm 40:4

I byennere sa enn ki'n met son konfyans dan SENYER! I pa tourn ver bann arogan ni ver bann ki swiv bann fo bondye.

Egzod 20:17

Ou pa pou anvi lakaz ou prosen; ou pa pou anvi fanm ou prosen, ni son serviter, ni son servant, ni son bef, ni son bourik, ni okenn keksoz ki pour ou prosen.

Deterononm 15:9

Fer atansyon ou pa gard dan ou leker bann move panse an dizan: Setyenm lannen, lannen pour efas bann det pe aprose. Pa get avek en move lizye ou prosen ki dan bezwen e refize donn li keksoz. Ou vwazen ava kriy ver SENYER kont ou e ou ava'n fer en pese.

2 Pyer 2:21

I ti ava'n preferab si zot pa ti'n zanmen konn semen lazistis, si, apre ki zot in konnen, zot detourn zot avek sa sen komannman ki zot ti'n resevwar.

Galat 4:9

Me aprezan ki zot konn Bondye, ou plito, ki Bondye i konn zot, ki mannyer i posib pour zot anvi retourn kot sa bann eleman san valer e revin zot lesklav?

Romen 12:9

Lanmour i devre senser. Deteste sa ki mal e reste atase avek sa ki byen.

Zeremi 22:17

Me ou, ou pe rod zis ou profi personnel. Ou fer touy sa enn ki inosan, ou kraz dimoun avek britalite.

Eklezyas 6:9

Plito war keksoz avek ou lizye, ki zis fer travay mazinasyon; sa ankor i vanite, konmsi ou pe tay deryer divan.

Zozye 23:6

Met tou zefor pour obzerve e met an pratik tou sa ki'n ekri dan Liv Lalwa Moiz, san ekarte ni adrwat, ni agos.

Ebre 10:39

Nou, nou pa parmi sa bann dimoun ki retourn annaryer e ki ganny detri. Okontrer, nou parmi bann ki annan lafwa e ki pou ganny sove.

Psonm 119:113

Mon deteste dimoun ki pa kapab deside e mon kontan ou lalwa.

Psonm 78:41

Plizyer fwa zot ti teste Bondye e ofans Bondye Sen Izrael.

Psonm 14:3

Zot tou, zot in egare; zot tou, zot in koronpi. Personn pa fer sa ki byen, pa menm en sel.

Egzod 32:8

Zot pa'n tarde pour sanz semen ki mon ti'n ordonn zot; zot in fer en pti toro annor. Zot in prostern devan li e ofer li sakrifis. Zot in dir: Izrael! La zot bann bondye ki'n tir zot dan Lezip.”

Mise 2:2

Kan zot anvi bann plantasyon, zot pran. Si zot anvi bann lakaz, zot sezi. Zot fer mizer en dimoun ek son fanmir e zot akapar son posesyon.

Ezai 33:15

Sa ki mars drwat e ki dir laverite, ki refiz bann lavantaz ki i'n gannyen par lafors, ki refiz pran gous, ki bous son zorey pour li pa ekout proze kriminel e ki ferm son lizye pour li pa war mesanste.

Ezai 30:11

Aret swiv sa semen; sorti lo sa larout. Aret koz lo Bondye Sen dan Izrael avek nou.

Psonm 39:1

Mon ti dir: Mon pou vey mon konportman, pour mwan pa fer pese avek mon lalang. Mon pou met en bayon lo mon labous tan ki i annan malfeter devan mwan.

Psonm 125:5

Me sas bann ki swiv move semen. Lape lo Izrael!

Psonm 97:10

Ou ki kontan SENYER! Deteste lemal. I vey lo lavi bann ki obei li; i delivre zot dan lanmen bann malfeter.

Psonm 78:57

Me parey zot zanset, zot ti pran move semen. Zot pa ti reste fidel; Bondye pa ti kapab kont lo zot.

Psonm 36:3

Dan son labous i sorti zis mansonz ek frod; i nepli fer sa ki byen, sa ki saz.

1 Samyel 15:11

“Mon regrete ki mon'n fer Sail vin lerwa; in detournen avek mwan e i pa'n gard mon parol.” Sa ti fatig latet Samyel ki ti plere devan SENYER tou lannwit.

Deterononm 13:17

Pa gard okenn piyaz lager, sankwa SENYER pa ankoler kont ou. I ava pran pitye pour ou e dan son konpasyon, i ava fer ou vin nonbre parey i ti fer serman avek ou bann zanset.

1 Zan 2:19

Sa bann dimoun in sorti kot nou, me zot pa ti vreman avek nou. Annefe, si zot ti avek nou, zot ti ava'n reste avek nou. Me zot in ale e konmsa, zot in montre ki zot pa ti avek nou.

Psonm 41:9

Menm mon meyer zanmi avek ki mon ti fer konfyans, ki'n partaz mon repa, in vir kont mwan.

Psonm 139:22

Mon vreman ay zot; zot in vin bann lennmi pour mwan.

Proverb 6:12

Sa enn ki koz lalang partou kot i pase, i en vagabon, en malfeter.

Proverb 6:13

I bat lizye pour tronp dimoun; i tap son lipye; i fer siny avek ledwa.

Proverb 8:13

Ler ou annan respe anver SENYER, ou deteste sa ki mal. Mon deteste lorgey ek larogans, movez aksyon ek mansonz.

Zakari 8:17

La sa ki SENYER i deklare: Pa mazin fer dimal ou prosen dan ou leker. Pa soutir dimoun ki fer fo serman; mon deteste tel keksoz.