Psonm 101:2 - Labib An Kreol Seselwa

² Mon pou kondwir mwan byen. Kan eski ou pou vin kot mwan? Dan mon lakour, mon pou anmenn en lavi drwat e san repros.

Psonm 101:2 交叉參考

Psonm 119:106

Mon'n fer serman pour mwan tenir e gard ou bann desizyon ki zis.

1 Rwa 9:4

Kanta ou, si ou mars devan mwan avek en leker senser e drwat; si ou gard mon komannman ek mon bann lalwa parey mon'n ordonn ou, parey ou papa David ti fer,

Psonm 119:115

Ou ki fer sa ki mal! Dekile kot mwan. Les mwan obzerv bann komannman mon Bondye.

Psonm 101:6

Mon pou swazir dimoun sir dan pei. Zot pou asosye avek mwan. Sa enn ki kondwir li byen ava kapab servi mwan.

Psonm 40:17

Mwan, mon en pov malere; me SENYER i mazin mwan. SENYER! Ou menm mon sekour, mon liberater. Mon Bondye pa tarde!

1 Rwa 11:4

Annefe, dan lavyeyes Salomon, son bann fanm ti detourn son leker ver lezot bondye, e son leker pa ti antyerman pour SENYER son Bondye, parey leker son papa David.

Deterononm 6:7

Ou ava ansenny zot avek ou bann zanfan. Ou ava koz lo zot ler ou dan lakour, ler ou pe marse lo semen, ler ou pe al dormi e ler ou reveye.

2 Kronik 30:12

Dan rwayonm Zida osi, Bondye ti avek bann zabitan pour gard zot ini e dakor pour obei lord ki lerwa ek bann sef in donnen dapre parol SENYER.

2 Kronik 15:17

Asa ti met tou son leker dan servis Bondye. Malgre sa, bann landrwa sakre pa ti disparet dan Izrael.

1 Samyel 22:14

Ahimelek ti reponn lerwa. “Lekel parmi tou bann ou serviter ki fidel parey David? I zann lerwa, sef son gard personnel e i ganny respekte dan ou pale.

Zozye 24:15

Si zot pa oule servi SENYER, swazir ozordi ki lekel ki zot oule servi: Swa bann bondye ki zot zanset ti adore lot kote larivyer Efrat, swa bann bondye pei bann Amorit kot zot pe reste. Mwan ek mon fanmir, nou pou servi SENYER.

Zenez 18:19

Annefe, mon'n swazir li, pour li ansenny son bann zanfan ek son desandans apre li, pour zot gard komannman SENYER dapre lazistis ek ladrwatir. Konmsa, SENYER ava akonpli sa ki i'n promet Abrahanm.”

Ezai 38:3

SENYER! Mon enplor ou! Pa oubliy mwan, e ki mannyer mon'n mars devan ou avek lwayote e avek en leker senser, e fer sa ki drwat devan ou. Apre, Ezekyas ti plere amerman.

2 Samyel 8:15

Alor David ti etabli son renny lo pep Izrael antye; e i ti rann lazistis son preferans lo son pep antye.

Egzod 20:24

Ou ava fer mwan en lotel avek later. Lo la, ou ava ofer zannimo koman sakrifis konplet ek sakrifis lape, bann mouton, bef ek kabri. Partou kot ou ava envok mon non, mon pou vin kot ou e mon pou beni ou.

Psonm 26:11

Mon'n anmenn en lavi san repros. SENYER! Delivre mwan. Pran pitye pour mwan.