Nonm 18:3 - Labib An Kreol Seselwa

³ Zot ava pran zot responsabilite anver ou dan servis Latant. Me zot pa devre apros obor okenn lobze sakre dan sanktyer, oubyen lotel, sankwa zot pou mor, e ou, ansanm avek zot.

Nonm 18:3 交叉參考

Nonm 4:15

Kan zot lev kan, ler Aaron ek son bann garson in fini kouver sanktyer avek tou son bann akseswar, bann garson Keat ava vini pour transport li. Me zot pa devre tous okenn sa bann lobze sakre. Si zot fer sa, zot pou mor. Sa i bann lobze dan Latant Rankont SENYER ki bann garson Keat a bezwen transporte.

Nonm 16:40

Sa ti servi pour rapel pep Izrael, ki personn, apar bann desandan Aaron, pa vin ofer lansan devan SENYER, pangar zot pas koman Kore ek son group, parey sa ki SENYER ti'n dir par lentermedyer Moiz.

Nonm 3:36

Zot ti ansarz tou bann pike ek bann bar Latant SENYER, bann pike traver, bann kolonn ek son bann lipye, tou son bann montaz ki al avek;

Nonm 3:31

Zot ti responsab Kof Lalyans, latab, portlanp, bann lotel ek tou bann lobze ki pret ti servi. Zot ti osi ansarz rido ki dan sanktyer e bann zagraf ki servi pour fer montaz avek.

Nonm 3:25

Travay bann Gersonit dan Latant Rankont SENYER, se pour okip Latant SENYER, son kouvertir, Rido devan lantre Latant Rankont SENYER,

Nonm 18:7

Mon'n swazir ou ek ou bann garson pour fer servis dan sanktyer, lo lotel e deryer rido. Mon donn zot responsabilite pret. Sa enn ki apros sanktyer pou ganny met anmor.

Nonm 1:51

Sak fwa ki Latant i ganny deplase, bann levit ava bezwen demont li, e sak fwa ki zot arete pour kanpe, bann levit ava remont li. Si en dimoun i aprose, i devret ganny met anmor.

Nonm 18:4

Zot pou travay avek ou e desarz zot responsabilite dan Latant Rankont SENYER. Okenn lezot dimoun napa drwa asiste ou.

Nonm 31:30

Lo lanmwatye ki vin pour pep Izrael, ou ava pran enn lo sak 50 dimoun, bef, bourik, mouton oubyen kabri, ek tou zannimo. Ou ava donn sa bann levit ki asir servis dan Latant prezans SENYER.

Ezekyel 44:13

Zot pa pou apros mwan pour servi mwan koman pret, ni apros bann lobze ki'n konsakre pour mwan. Sa bann keksoz i tre sakre. Zot ava port laont ek konsekans zot bann pratik degoutan.

Nonm 1:53

Me bann levit ava pik zot latant toultour Latant Temwannyaz pour anpes maler tonm lo bann Izraelit. Bann levit i responsab pour pran swen avek Latant Temwannyaz.”