Nonm 10:9 - Labib An Kreol Seselwa

⁹ Ler zot sorti dan zot pei pour al lager kont lennmi ki pe atak zot, soufle sinyal lager lo sa bann tronpet. Konmsa, SENYER zot Bondye, pa pou oubliy zot e i ava vin delivre zot kont zot lennmi.

Nonm 10:9 交叉參考

1 Samyel 10:18

I ti dir pep Izrael, “La sa ki SENYER, Bondye Izrael i deklare: Mwan ki'n fer Izrael sorti Lezip. Mon'n delivre zot dan lanmen bann Ezipsyen ek tou bann rwayonm ki ti pe kraz zot.

Ziz 2:18

Kan SENYER ti donn zot bann ziz, i ti avek bann ziz. Tan ki ti annan bann ziz, SENYER ti delivre zot dan lanmen zot bann lennmi. Annefe, SENYER ti pran pitye pour zot devan bann kit i pe zot maltret zot.

Zenez 8:1

Bondye ti mazin Noe ek tou bann zannimo sovaz ek zannimo domestik ki ti avek li dan lars. I ti fer en divan soufle lo later e delo ti konmans desann.

Psonm 106:42

Lennmi ti kraz zot e soumet zot anba zot pouvwar.

Psonm 106:4

SENYER! Mazin mwan, pran ka avek ou pep, sekour mwan.

2 Kronik 13:14

Kan larme Zida ti remarke ki zot oblize konbat lo de fron, devan ek deryer, zot ti kriy ver SENYER e bann pret ti soufle zot tronpet.

Ziz 10:12

Sidonit, Amalesit ek Meounit in kraz zot. Ler zot ti kriy ver mwan, pa mon ti delivre zot dan zot lanmen?

Ziz 10:8

ki ti maltret e kraz bann Izraelit. Bann Izraelit ki ti reste Les avek larivyer Zourden, dan pei bann Amonit, dan Galaad ti ganny maltrete pandan 18 an.

Zozye 6:5

Ler zot ava antann tronpet korn bouk soufle, lepep antye ava kriye avek en gran laklamasyon. Alor, miray lavil ava tonm plat ater e lepep ava atake drwat devan zot.”

Nonm 31:6

Moiz ti anvoy zot lager 1,000 par tribi ansanm avek Fineas, garson pret Eleazar ki ti ansarz bann lobze sakre ek bann tronpet.

1 Korentyen 14:8

Si sa enn ki soufle tronpet pa donn en son kler, lekel ki pou prepar li pour al lager?

Amos 3:6

Eski tronpet i sonnen dan lavil san fer enkyet bann zabitan? Eski en maler i arive dan en lavil si SENYER pa'n anvoye?

Zeremi 6:17

Mon'n met bann santinel pour veye. Ekout byen ler tronpet i sonnen. Me ou'n reponn: Mon pa pou port atansyon.

Zeremi 4:21

Konbyen letan ankor mon pou war bann bannyer lager e antann tronpet lager sonnen?

Zeremi 4:19

Zot! Mon vant i fer mal. I vreman fer mal! Mon leker pe palpit anmor. Mon pa kapab reste trankil. Mon bezwen koze. Mon antann tronpet pe soufle ek bann tapaz lager.

Zeremi 4:5

Al anonse dan Zida! Dir zot: Al proklanmen dan Zerizalenm! Soufle tronpet atraver pei! Kriy byen for avek bann zabitan: Rasanble zot; annou al kasyet dan bann lavil fortifye.

Ezai 58:1

Kriy byen for! Pa per pou fer tande ou lavwa! Fer ou lavwa rezonnen parey en tronpet! Dir mon pep son bann fot e desandan Zakob son bann pese.

Ezai 18:3

Zot tou, bann zabitan lemonn, zot ki reste lo later! Ler en siny i ganny plase lo montanny, get byen! Ler tronpet i soufle, ekoute!

Psonm 136:23

I pa oubliy nou dan nou labesman; son fidelite i dire pour touzour.

Ziz 6:34

Lespri SENYER ti desann lo Zedeon. I ti fer sonn tronpet pour apel bann zonm Abiezer pour swiv li.

Ziz 6:9

Mon'n delivre zot dan lanmen bann Ezipsyen e dan lanmen tou sa bann ki ti pe maltret zot; mon'n sas zot bann lennmi e mon'n donn zot, zot pei.

Ziz 3:27

Koman i ti arive, i ti sonn tronpet dan rezyon montanny Efraim; bann Izraelit ti desann sorti dan rezyon montanny, avek li devan.

Sofoni 1:16

Sa zour, zot pou antann son tronpet, tapaz lager kont bann lavil fortifye, e kont bann fortres.

Oze 5:8

Fer tande korn lager dan Gibea, soufle tronpet dan Rama. Sonn lavertisman dan Bet-Aven get deryer ou, Benzamen.

Ezekyel 7:14

Tronpet in soufle, tou in pare, me personn pa pe al lager, akoz mon lakoler in monte kont sa pep antye.

Zeremi 6:1

Zabitan tribi Benzamen! Sove! Kit Zerizalenm! Al rod proteksyon dan en lot landrwa. Sonn tronpet dan Tekoa; donn lavertisman dan Bet-Kerenm, akoz maler ek gran dezas pe arive sorti dan Nor.

Levitik 23:24

Dir avek pep Izrael: Premye zour, setyenm mwan, ou ava obzerv en zour repo konplet. Sa i ava en zour souvenir, avek laklamasyon dan en lasanble sakre.

2 Kronik 13:12

Bondye li menm i nou sef. Son bann pret avek zot tronpet i pare pour soufle lapel lager kont zot. Pep Izrael! Pa bezwen lager kont SENYER, Bondye zot zanset; zot pa pou ganny laviktwar.

Zeremi 49:2

Pour sa rezon, sa zour pe sirman vini, SENYER i deklare, kan tapaz lager pou rezonnen dan Raba, lavil bann Amonit. Sa lavil pou vin en ta debri; son bann vilaz pou ganny brile. Alor, Izrael ava kapab repran son posesyon avek sa bann ki ti'n pran li.

Deterononm 20:1

Ler ou sorti pour al lager kont ou bann lennmi e ou ava war en kantite seval ek kales lager, en larme pli gran ki pour ou, ou napa nanryen pour per, akoz SENYER, ou Bondye ki'n fer ou sorti Lezip, i avek ou.