Nehemi 9:4 - Labib An Kreol Seselwa

⁴ Zozye, Bani, Kadmyel, Sebanya, Bouni, Serebya, Bani, ek Kenanni, ti mont lo lestrad bann Levit e kriye aotvwa ver SENYER, zot Bondye.

Nehemi 9:4 交叉參考

Nehemi 8:7

Lepep ti reste debout pandan ki bann levit Zozye, Bani, Serebya, Yamin, Akoub, Sabetai, Hodiya, Maaseya, Kelita, Azarya, Yozabad, Hanann, ek Pelaya ti eksplik zot lalwa.

Nehemi 12:8

Lo kote bann levit: Zozye, Binoui, Kadmyel, Serebya, Zida, Matanya, ki, avek son bann frer, ti diriz sante pandan lapriyer;

Nehemi 9:5

Bann levit Zozye, Kadmyel, Hasabneya, Serebya, Odiya, Sebanya, ek Petahya, ti dir: Leve, remersye SENYER, zot Bondye! Remersye li depi touzour e pour touzour! Ou non glorye ki depas tou benediksyon e tou louanz i ganny beni!

2 Kronik 20:19

Bann levit ki sorti dan bann Keatit ek bann Koreit ti lev debout pour loue SENYER, Bondye Izrael, avek en lavwa tre for.

Akt de Zapot 7:60

I ti tonm azenou e kriye avek en lavwa for, “Senyer! Pardonn zot pour sa pese!” Apre sa bann parol, Etyenn ti mor.

Levanzil dapre Zan 11:43

Apre ki i ti'n dir sa, i ti kriy for, “Lazar, sorti!”

Lamantasyon 3:8

Mon kriye e mon demann son led; me i refize ekout mon lapriyer.

Psonm 130:1

Depi dan fon mon maler, mon apel ou, SENYER.

Psonm 77:1

Mon kriy for ver Bondye; mon apel Bondye avek tou mon lafors pour li antann mwan.

Psonm 3:4

Mon kriy for ver SENYER; depi son montanny sen i reponn mwan.

Nehemi 3:17

Apre li, bann levit ti pe fer travay reparasyon: Rehoum, garson Bani, akote li Hasabya, sef lanmwatye distrik Keila, pour son distrik.

Nehemi 8:4

Skrib Esdras ti debout lo en lestrad an bwa ki ti'n ganny fer pour sa lokazyon. Lo son kote drwat, ti annan Matitia, Sema, Anaya, Ouri, Hilkiya ek Maaseya; lo son kote gos, ti annan Pedaya, Misael, Malkiya, Hasoum, Hasbadana, Zakari ek Mesoulanm.