Nehemi 5:7 - Labib An Kreol Seselwa

⁷ Apre refleksyon, mon ti deside pour port plent kont bann sef ek bann zofisye. Mon ti dir zot, “Zot pe pret avek lentere avek zot bann frer!” Mon ti konvok zot tou dan en gran lasanble.

Nehemi 5:7 交叉參考

Levitik 25:36

Ou pa pou fer li pey lentere ni eksplwat li. Montre respe pour ou Bondye; les li viv avek ou.

Egzod 22:25

Si ou pret larzan en pov parmi mon pep, pa fer parey lezot dimoun ki pret larzan: Pa demann li okenn lentere.

Ezekyel 22:12

Kot ou, i annan ki aksepte larzan pour fer koule disan, ki pret larzan, egziz gro lentere e eksplwat zot prosen pour anrisi zot. Me mwan, zot in oubliy mwan, Senyer BONDYE ki deklare.

Psonm 15:5

I pret larzan san demann okenn lentere; i pa aksepte gous pour akiz en inosan. Sa enn ki fer tousala, pa pou zanmen tonbe.

Levitik 19:15

Pa rann okenn zizman enzis; pa fer preferans pour sa enn ki pov, ni favoriz sa enn ki pwisan. Ou ava ziz ou prosen avek lazistis.

Let Pol pour bann Tit 2:15

Konmsa ki ou devre ansennyen, par servi tou ou lotorite pour ankouraz oubyen repros bann ki ekout ou. Pa les personn mepriz ou.

1 Timote 5:20

Konsernan bann ki kontinyen reste dan pese, reprimann zot an piblik, pour ki lezot osi i ganny krentif.

Galat 2:11

Me kan Pyer ti vin Antyos, mon ti reprimann li devan tou dimoun, akoz sa ki i ti pe fer, ti mal.

2 Korentyen 5:16

Alor, dezormen, nou nepli konn personn lo kote imen. Si otrefwa, nou'n konn Kris dapre lespri imen, aprezan, nou nepli konn li konmsa.

Matye 18:17

Me si i refize ekout zot, dir tou avek Legliz. Si i refize ekout Legliz, ou ava konsider li koman en non-Zwif oubyen en kolekter taks.

Ezekyel 45:9

La sa ki Senyer BONDYE i deklare: Bann prens ki gouvern Izrael! Ase! Aret fer vyolans ek viktimizasyon. Respekte lalwa ek lazistis; aret vol bann byen ki pour mon pep, Senyer BONDYE i deklare.

Proverb 27:5

Vomye en kritik fran ki en lanmour ki reste sekre.

Psonm 27:8

Mon mazin sa ki ou'n dir: Rod SENYER. Alor SENYER! Mon pe tourn ver ou.

Psonm 15:1

SENYER! Lekel ki kapab ganny resevwar dan ou tanp? Lekel ki kapab vin reste lo ou montanny sen?

Psonm 4:4

Tranble dan ou leker, pa fer pese. Lo ou lili, medit dan ou leker e reste trankil.

Psonm 109:11

Dimoun ki i dwa ava sezi tou son byen. Bann etranze ava sezi tou sa ki i annan.

Egzod 22:24

Mon lakoler pou monte e mon pou masakre zot; zot bann fanm pou vin vev e zot bann zanfan pou bann orfelen.

Psonm 94:16

Lekel ki pou leve pour defann mwan kont bann malfeter? Lekel ki pou debout pour defann mwan kont sa bann malfeter?

Proverb 28:4

Sa enn ki abandonn lalwa, i fer loner bann malfeter; Me sa enn ki obzerv lalwa i konbat kont bann malfeter.