Nehemi 2:12 - Labib An Kreol Seselwa

¹² Mon ti leve pandan lannwit, mwan, avek detrwa zonm, san dir personn, sa ki Bondye ti'n met dan mon leker pour fer an faver Zerizalenm. Ti napa okenn lot zannimo avek mwan, eksepte sa enn ki mon ti pe monte.

Nehemi 2:12 交叉參考

Revelasyon 17:17

Annefe, Bondye in plas dan zot leker son lavolonte pour akonpli son plan. Zot pou pas zot pouvwar avek sa bebet ziska ki Parol Bondye i ganny akonpli.

Esdras 7:27

Esdras ti dir, “Loue SENYER, Bondye nou bann zanset! I'n tous leker lerwa pour fer sa gran loner tanp SENYER ki Zerizalenm.

2 Korentyen 8:16

Nou remersye Bondye ki'n met dan leker Tit sa menm motivasyon anver zot, parey mwan.

Zeremi 31:33

La koman pou ete, sa nouvo lalyans ki mon pou fer avek mon pep, SENYER i deklare: Mon pou met mon bann lalwa dan zot leker. Alor, mon ava vin zot Bondye, e zot ava vin mon pep.

Zeremi 32:40

Mon pou fer en nouvo lalyans avek zot pour touzour; mon pou touzour fer zot dibyen. Zot ava annan respe pour mwan avek tou zot leker e zot pa pou abandonn mwan.

Amos 5:13

Pour sa rezon, dan sa letan maler, en zonm saz i reste trankil.

Eklezyas 3:7

I annan en letan pour desire e en letan pour koud; en letan pour reste trankil e en letan pour koze.

Psonm 122:6

Demann lape pour Zerizalenm. Bann ki kontan ou ava viv trankil.

Psonm 51:18

Fer sa ki bon pour Siyon. Rekonstri bann miray Zerizalenm.

Ziz 9:32

Alor, dan lannwit, leve avek ou bann zonm e al kasyet dan lakanpanny.

Ziz 6:27

Zedeon ti pran dis zonm parmi son bann serviter pour fer parey SENYER ti'n dir li. Me, akoz i ti per son fanmir ek bann zabitan lavil, i ti fer sa aswar, olye lizour.

Matye 10:16

Mon pe anvoy zot parey bann mouton parmi bann loulou. Alor, zot bezwen rize parey bann serpan e inosan parey bann pizon.

Matye 2:14

Zozef ti leve. I ti pran sa zanfan ek son manman e pandan lannwit, i ti sov Lezip.

Mise 7:5

Pa bezwen fye lo ou zanmi, pa fer konfyans ou bann pros. Pa ouver ou labous avek sa fanm ki dormi dan ou lebra.

Zozye 10:9

Zozye ti'n mars tou lannwit depi Gilgal. I ti ariv lo zot, par sirpriz.

Nehemi 2:11

Mon ti ariv Zerizalenm, kot mon ti reste trwa zour.

Nehemi 2:13

Mon ti sorti pandan lannwit par Laport Vale, pas sours Dragon ek Laport Fimyen. Mon ti enspekte bann miray Zerizalenm ki ti'n ganny met ater ek son bann laport ki dife ti'n detri.

Proverb 12:23

En dimoun pridan i kasyet sa ki i konnen; me en fou i dir en ta betiz.