I pou menm anmenn Lezip tou zot bann bondye, zot bann stati an metal ek bann lobze valer annarzan e annor, koman piyaz lager. Pandan en pe lannen, i pou evite atak lerwa Nor.
Zot pou pran ou bann larises e vol tou ou marsandiz; zot pou demoli ou bann miray e detri ou bann pale. Zot pou pran tou ou ros, dibwa ek later e zet zot dan fon lanmer.
Sa enn ki detri tou, in vin kont li, kont Babilonn; son bann gerye in ganny kaptire, zot lark in ganny kase. Annefe, SENYER i en Bondye ki fer rann kont, e ki fer peye. I pou tret bann Babilonyen parey zot merite.
Bann berze mon troupo! Kriy byen for. Plere! Roul zot dan lapousyer. Letan pour zot ganny masakre e pour zot kadav ganny disperse in arive. Zot pou ganny kase parey en po presye.
Dan konmansman lannen, lerwa Naboukodonozor ti anvoy sers Yoyakin pour anmenn li Babilonn avek bann lobze presye dan tanp SENYER. I ti swazir son frer, Sedesyas, koman lerwa lo Zida ek Zerizalenm.
Maler lo ou ki detri tou me ki pa'n ganny detri! Ki trai lezot me ki pa'n ganny trai! Ler ou ava'n fini detri, ou osi, ou pou ganny detri. Ler ou ava'n fini trai, ou pou ganny trai.
Ni marsandiz annor, annarzan, bizou ek perl, ni latwal linenn fen, latwal rouz, laswa, toudsort kalite dibwa presye, tou kalite lobze an livwar, an bwa presye, an bronz, an fer oubyen an marb,
Akoz mon war zot dan lafreyer? Zot pe rekile? Zot bann gerye in ganny bate; zot in sove osi vit ki zot kapab. Zot pa get deryer zot. Laterer in antour zot, SENYER i deklare.
Ou bann gard i parey bann kasbol; ou bann zofisye i parey en group sotrel ki'n apoz lo bann touf zarbis ler i fer fre. Kan soley i leve, zot anvole e zot ale; personn pa konnen kote zot ti ete.
