Mise 7:3 - Labib An Kreol Seselwa

³ Zot bann eksper dan sa ki mal. Bann sef ek bann ziz pe esper gous. Dimoun enportan i fer konnen sa ki zot anvi. Zot manigans ansanm pour fer ekstorsyon.

Mise 7:3 交叉參考

Mise 3:11

Son bann sef i rann zizman kont gous; son bann pret i fer peye pour ansennyen; son bann profet i predir lavenir pour larzan. Pourtan, zot kont lo SENYER, e zot dir: SENYER i avek nou. Okenn maler pa pou tonm lo nou!

Amos 5:12

Mon konnen kantite pese ki zot in fer e tou sa kantite krim ki zot in komet. Zot persekit bann inosan; zot anpes bann pov rod zot drwa devan ziz.

Zeremi 8:10

Pour sa rezon, SENYER i deklare: Mon pou donn zot fanm en lot, e zot plantasyon, bann nouvo propriyeter. Tou dimoun, depi pli pti ziska pli gran pe rod fer larzan. Menm bann profet ek bann pret pe tronp lepep.

1 Korentyen 4:5

Alor, pa ziz personn avan son letan fikse. Espere ki zour Senyer i vini: Li menm ki pou met okler sa ki'n ganny kasyet dan fernwanr, e met okler bann lentansyon sekre ki dan leker imen. Alor, Bondye pou felisit sakenn, dapre sa ki i merite.

Matye 26:15

I ti demann zot, “Ki zot pou donn mwan si mon livre zot Zezi?” Zot ti pey li 30 pyes larzan.

Oze 4:18

Zot in fini avek zot bwar; zot tonm dan prostitisyon; zot sef i prefer laont.

Ezekyel 22:27

Zot bann prens i parey loulou ki desir son viktim. Zot touy dimoun pour akapar zot byen.

Ezekyel 22:6

La koman tou bann sef ki gouvern Izrael i ete: Zot abiz zot pouvwar pour komet krim.

Zeremi 3:5

Ou pou gard rankin kont mwan pour touzour? Sanmenm ki ou ti dir. Me ou'n kontinyen avek tou ou bann forfe, e ou'n reisi kantmenm.

Ezai 26:21

La SENYER pe sorti kot i ete pour li pini bann zabitan later pour zot bann forfe. Later ava les war disan ki'n koule; i pou nepli kasyet son bann viktim.

Ezai 1:23

Ou bann sef in vin rebel; zot konplis avek voler. Zot tou zot kontan pran gous. Zot tou zot kontan kado. Zot pa defann bann orfelen. Zot pa ekout ka bann vev.

Proverb 17:23

Dimoun malonnet i aksepte gous anba latab, pour ki lalwa pa ganny aplike.

Ezai 3:5

Dimoun pou ganny kraze vwazen kont vwazen. Bann zenn pou ensolan anver bann vyeyar; bann bonnaryen pou maltret dimoun respektab.

Ezai 5:23

Zot ki larg en koupab pour gous e refiz bann inosan zot drwa.

Ezai 32:7

Bann fourb i mazin zis fer dimal; zot prepar bann konplo pour tronp bann pov avek mansonz, menm si en malere i dan son drwa.

Ezekyel 9:9

I ti reponn, “Pese pep Izrael ek Zida i tre grav. Pei i ranpli avek disan e lavil i ranpli avek lenzistis akoz zot pe dir: SENYER in abandonn sa pei e SENYER pa war nou.

Ezekyel 22:12

Kot ou, i annan ki aksepte larzan pour fer koule disan, ki pret larzan, egziz gro lentere e eksplwat zot prosen pour anrisi zot. Me mwan, zot in oubliy mwan, Senyer BONDYE ki deklare.

Oze 7:3

Zot mesanste i anmiz lerwa; zot bann trik i fer plezir bann sef.

Mise 2:8

Me ou dres ou koman lennmi mon pep. Ou vol lenz bann ki pas anpe, bann ki pase sorti lager avek konfyans.

Mise 3:2

Me zot ay sa ki byen e zot kontan sa ki mal. Zot aras lapo lo mon pep, ek laser lo zot lezo.

Proverb 16:30

Sa enn ki ferm lizye pe prepar en move kou; sa enn ki mord lalev in deza fer sa ki mal.

Zeremi 4:22

Mon pep i san konpran. Zot pa konn mwan koman zot Bondye. Zot parey bann zanfan fou, ki pa konpran nanryen. Zot eksper dan fer sa ki mal, me zot pa konn fer sa ki byen.

Ezekyel 34:21

Akoz zot in pouse e bouskile avek zot kote ek zot zepol, e tap koudkorn bann ki feb ziska ki zot in ganny disperse partou deor,