Mark 9:25 - Labib An Kreol Seselwa

²⁵ Kan Zezi ti war lafoul pe rasanble otour li, i ti reprimann sa move lespri. I ti dir li, “Move lespri kozpa e sourd! Mon ordonn ou: Sorti! Pa zanmen retourn dan sa garson.”

Mark 9:25 交叉參考

Akt de Zapot 16:18

I ti fer sa pandan plizyer zour. Finalman, Pol ti'n sitan agase, ki i ti vire e dir avek sa lespri ki ti dan sa servant, “Lo non Zezi-Kri! Mon ordonn ou sorti dan sa fiy.” Deswit sa lespri ti kit li.

Levanzil dapre Lik 9:42

Letan sa garson ti pe vini, sa demon ti zet li ater e sekwe li byen for. Me Zezi ti reprimann sa move lespri. I ti geri sa garson e rann li avek son papa.

Mark 9:15

De ki lafoul ti war Zezi, zot ti tre etonnen. Zot ti taye pour resevwar li.

Matye 17:18

Zezi ti menas sa move lespri ki ti sorti dan sa garson ki deswit ti geri.

Let Zid 1:9

Menm larkanz Mikael dan son diskisyon avek dyab konsernan lekor Moiz, pa ti oze kondann li. I ti zis dir: Senyer pou pini ou.

Levanzil dapre Lik 11:14

Zezi ti pe sas en move lespri ki ti anpes en zonm koze. Kan sa move lespri ti'n kit li, sa kozpa ti koze e lafoul ti etonnen.

Levanzil dapre Lik 8:29

Annefe, Zezi ti pe ordonn sa move lespri pour sorti dan sa zonm. Sa move lespri ti avek sa zonm depi lontan. I ti ganny anmare avek lasenn ek feray dan son lipye pour kontrol li, me i ti kas lasenn e demon ti anmenn li dan dezer.

Levanzil dapre Lik 4:41

Bann demon ti sorti dan bokou dimoun, an kriyan, “Ou menm Garson Bondye!” Alor, Zezi ti reprimann zot. I ti anpes zot koze, akoz zot ti konnen ki li menm Mesi.

Levanzil dapre Lik 4:35

Me Zezi ti reprimann sa lespri, “Reste trankil! Sorti dan sa zonm.” Sa move lespri ti zet sa zonm ater devan tou dimoun e sorti san fer li okenn dimal.

Zakari 3:2

Lanz SENYER ti dir li: Satan! SENYER i defann ou koze. Wi! SENYER ki'n fer son swa lo Zerizalenm. In fer ou gard silans. Eski sa zonm, pa i en tizon ki'n ganny pran dan dife?

Matye 12:22

Apre, zot ti anmenn kot Zezi, en zonm ki ti posede par en demon. Sa zonm ti aveg e kozpa. Zezi ti geri sa zonm; konmsa, i ti kapab koze e war kler.

Mark 9:24

Deswit papa sa garson ti kriye, “Mon krwar; me ed mwan pour ganny plis lafwa.”

Mark 9:26

Sa move lespri ti kriye e sekwe sa garson avek vyolans. I ti kit sa garson konmsi en dimoun mor. Tou dimoun ti dir, “I'n mor.”