Mark 6:41 - Labib An Kreol Seselwa

⁴¹ Apre sa, Zezi ti pran sa senk dipen ek sa de pwason. I ti lev lizye ver lesyel e remersye Bondye. I ti kas sa senk dipen e i ti donn son bann disip pour distribye avek lafoul. I ti partaz osi sa de pwason avek zot tou.

Mark 6:41 交叉參考

Matye 14:19

Answit, i ti ordonn lafoul pour asiz lo zerb. I ti pran sa senk dipen ek sa de pwason; i ti lev lizye ver lesyel e remersye Bondye. I ti kas sa bann dipen an morso e donn son bann disip ki ti partaz avek lafoul.

Mark 7:34

Apre, Zezi ti lev lizye ver lesyel. I ti pran en gran respirasyon. I ti dir, “Efata!” Savedir: Ouver!

Levanzil dapre Lik 24:30

Letan Zezi ti pe manz avek zot, i ti pran dipen; i ti remersye Bondye, kas dipen e donn zot.

Levanzil dapre Lik 9:16

Apre, Zezi ti pran sa senk dipen ek sa de pwason, i ti lev lizye ver lesyel, i ti beni sa manze, kas zot an morso, e donn son bann disip pour partaz avek lafoul.

1 Samyel 9:13

Koman zot antre dan lavil, zot pou war li avan i monte dan landrwa sakre pour al manze. Lepep pa pou manze avan i arive, akoz fodre i beni sakrifis; bann envite ava manz apre. Monte deswit e zot ava zwenn li.”

1 Korentyen 10:31

Alor, kwa ki ou manze, kwa ki ou bwar, nenport kwa ki ou fer, fer tou pour laglwar Bondye.

Levanzil dapre Zan 17:1

Kan Zezi ti'n fini koze, i ti lev lizye ver lesyel. I ti dir: Papa! Ler in arive, glorifye ou Garson pour ki ou Garson i ava glorifye ou.

Levanzil dapre Zan 11:41

Alor, zot ti tir sa ros. Zezi ti lev lizye ver lesyel. I ti dir: Papa! Mon dir ou mersi pour ekout mwan.

Mark 14:22

Pandan ki zot ti pe manze, Zezi ti pran dipen. I ti remersye Bondye, kas sa dipen e donn son bann disip. I ti dir, “Pran, sa i mon lekor.”

Kolosyen 3:17

Dan tou sa ki zot fer e dir, fer tou dan non Senyer Zezi. Par li, remersye Bondye nou Papa.

Romen 14:6

Sa enn ki donn lenportans tel zour, i fer li pour onor Senyer. Sa enn ki manz tou keksoz, i manze pour onor Senyer, e i remersye Bondye. Sa enn ki pa manze, se pour Senyer ki i pa manze; li osi, i remersye Bondye.

Levanzil dapre Zan 6:23

Sepandan, bann kannot sorti Tiberyad ti'n ariv pre avek landrwa kot lafoul ti'n manz dipen, apre ki Zezi ti'n remersye Bondye.

Levanzil dapre Zan 6:11

Zezi ti pran dipen, remersye Bondye e distribye avek tou bann dimoun ki ti la. I ti fer parey avek pwason, e tou dimoun ti manz otan ki zot ti oule.

Matye 26:26

Pandan ki zot ti pe manze, Zezi ti pran en dipen. I ti remersye Bondye, kas sa dipen e donn son bann disip. I ti dir, “Pran, manze; sa i mon lekor.”

Matye 15:36

I ti pran sa set dipen ek sa bann pwason; i ti remersye Bondye. I ti kas an morso e donn bann disip, ki ti partaz avek lafoul.

Deterononm 8:10

Ou ava manze ziska ki ou ava rasazye; ou ava alor, beni SENYER, ou Bondye pour sa pei ki i'n donn ou.

Akt de Zapot 27:35

Apre ki i ti'n dir sa, Pol ti pran dipen e remersye Bondye devan zot tou. I ti kase, e konmans manze.

Mark 6:40

Zot ti asiz an group 100 e an group 50.

Mark 6:42

Tou dimoun ti manze ziska zot ti rasazye.

Mark 8:19

Kan mon ti kas sa senk dipen pour nouri 5,000 zonm, konbyen pannyen plen avek bann restan ki zot ti ranmase?” Zot ti reponn, “Douz.”